Bona çi pêşkfetina pêwandîyên di navbera Ermenîstanê û Hindistanê bona herdu welata girînge:Firstpost
Hevtîya derbazbûyî ew yek bûyareke girîng bû, wekî hukumata Hindistanê li cêrge welata nûnerên leşkerî kifş kirin, nava wanda usa jî li Ermenîstanê. Pêşda di navbera herdu welatada hevraxeberdanên dîplomatî sert bûn, bi taybetî piştî seredana wezîrê Hindistanêyî karên der, yê li Yêrêvanê û paşê Hindistanê hewaskarîya xwe hindava Ermenîstanê da kifşê.
Bi tomerî hildayî, nava çar salên dawîda di navbera Hindistanê û Ermenîstanêda pêwandîyên six îzbat bûne.Derheqa wê yekêda Firstpost ê nivîsîye.
Gelek şiroçî difikirin,wekî îzbatbûna pêwandîyên herdu welata bona herêma Kafkasîya Başûr pêwîstîye.
Ermenîstan dixweze wekî Hindistan halê gêopolîtkî, yê li Kafkasîya Başûr bide balanskirinê. Rûsîya sîstêma piştgira Ermenîstanê bû, lê piştî destpêka şerê Ûkraînayê cêrge pirsgirêk pêşda hatin û ew bi taybetî hewaskarîyê hindava pirsên Ermenîstanê û Adirbêcanê nade kifşê.
Bêdengîya bi guman ya serkirdayetîya Rûsyayê di şerê sala 2023 a de li ser Qerebaxa Çîya gumanê li ser girêdayîbûna Ermenîstanê ji Rûsîyayê di demek nêzîk de dixe. Ji ber vê yekê, xuya ye ku bi lawazbûna piştgirîya Rûsîyayê ji Ermenîstanê re, Hindistan li gorî berjewendîyên xwe yên stratêjîk û aborî yên li herêmê, dikare li Başûrê Kafkasîyayê rola lengerê bilîze. Û dibe ku Rûsîya rê nede Hindistanê ku rola xwe li Kafkasîya Başûr bilîze.
Her wiha Ermenîstan dixwaze ku Hindistan bandorê li serkirdayetîya Adirbêcanê bike ku dijminatîya bi Ermenîstanê re bi dawî bike.
Ermenîstan dixwaze ku Hindistan peymana hevkarîya stratêjîk îmze bike û hevkarîya berevanîya dualî ya heyî bigihîne asta pêş.
Hêjayî gotinê ye ku hinardekirina berevanîyê ya Hindistanê ji bo Ermenîstanê, ji 90 selefê îtxalata giştî ya çekan ya Ermenîstanê pêk tîne, di nav de diron, radar.
Ev yek li gorî berjewendîyên aborî û stratêjîk yên her du welatan e ji ber ku ew ê ji Adirbêcanê re nîşan bide ku astengkirina înîsîyatîva Hindistanê ya korîdora bazirganî û transît ya navneteweyî ya Bakûr-Başûr rawestîne. Di heman demê de ew ê bibe sedemek ji bo zêdebûneke girîng di hilberîna berevanîyê ya Hindistanê de ji 3 mîlyard dolarî ku niha heya 10 mîlyard dolarane.
