SerekeSîyasî

Vîyan Dexîl: vegerandina awareyên Şengalê bi zorî gênosîdeke din e

Berdevka firaksîyona PDK ê li civata nûnerên Îraqê amajeyê dide: “Hin alî naxwazin Şengal aram û seqamgir bibe. Herwesa dibêje: “Pêdivî ye lihevkirina Şengalê bê bicihanîn ji bo ku ew gênosîda li beranberî ÿzidîyan û þengalîyan hatîye kirin dubare nebe”. 

Berdevka firaksîyona PDKyê li civata nûnerên Îraqê Vîyan Dexîl ji K24 ê re ragehand: “Vegerandina bi zorî ya ÿzidîya û þengalîyan ji bo deverên wan ku heta niha aram û seqamgir nînin gênosîdeke din e û ji alîyê wezîreta koç û koçberan ya Îraqê ve tê bicihanîn”.

Vîyan Dexîl amaje jî da: “Wezareta koç û koçberan ya Îraqê bi merem û armanceke sîyasî dixwaze kempan dabixe û wê mijarê wekî destkeftî ji xwe re tomar bike”.

Berdevka firaksîyona PDK ê li civata nûnerên Îraqê herwesa got: “Çi xizmetkarî û avedanî li Şengalê û sînorên wê nînin”. Tekez jî kir: “Vegerandina bi zorî ya awareyan û daxistina kempan gefeke eşkere ye li ser wan”. Rêkxistina Human Rights Watch di raportekê de radigehîne: “Pêngavên wezîreta koç û koçberan ya Îraqê ji bo daxistina kempên awareyan li Herêma Kurdistanê ku nêzîkî 157 hezar kesan li 23 kempan akincî ne gefan li ser silametîya awareyên Şengalê çê dikin”.

Zêdetir nîşan bide
Back to top button