“Hêtk”:Dewletên Amêrîkayêye Yekbûyî piştgirîyê dide avakirina aştîyeke bi rûmet di navbera Yêrêvanê û Bakûyê de: Zeya
Civîna ku hefteya borî ji alîyê wezîrê karên der Blînkên ve li Waşîngtonê hat organîzekirin, piştgirîya xurt ya Dewletên Yekbûyî ji bo avakirina aşîtîyeke mayînde û bi rûmet di navbera Ermenîstanê û Adirbêcanê de nîşan dide. Cîgirê wezîrê Amêrîkayêyî karên der ji bo asayîşa sîvîl, dêmokrasî û mafên mirovan Ûzra Zeya di gotûbêja li gel “Hêtk”ê de ragîhand.
Û em fêm dikin ku herdu welatan gavên girîng avîtine û em dixwazin piştgirîya xwe bidomînin. Bi dîtina min girîng e ku em tekezî li ser bandora peymana aşîtîyê bikin, peymaneke aşîtîyek bi rûmet û mayînde. Bi rastî ne tenê ji bo her du welatan, ji bo tevahîya herêmê dikare derfetên awarte veke. Dewletên Yekbûyî bi xurtî piştgirî dide van xebatan. Em di wê bawerîyê de ne ku Ermenîstan û Adirbêcan nêzîkî peymana dawîn in. Lê hilbet yên ku li ser maseya mûzakereyê rûniştine yên ku biryara dawî didin in. Em ji we re teşwîq dikin ku hûn gavê ji bo gihîştina vê armancê winda nekin. Heman tişt ji bo însîyatîva serokwezîr “Xaçerêya aşîtîyê” jî derbaz dibe. Zeyayê destnîşan kir ku em di wê bawerîyê de ne ku aşîtîyeke bi rûmet û mayînde ji bo eşkerekirina potênsîyala civakî-aborî ya mezin ya herêmê, û her weha ji bo pêşxistina kanalên herêmî yên ku bi “Xaçerêya aşîtîyê” hatine nîşankirin, pir girîng e.
Dema ku jê hat pirsîn gelo ew difikire ku berjewendîyên aborî dikarin alîyan, bi taybetî Adirbêcanê, motîve bikin ku peymana aşîtîyê îmze bikin, Zeyayê destnîşan kir ku lêkolîna Dewletên Yekbûyî ku min behs kir, li çarçove û potênsîyala yekbûna rêyên veguheztinê dinêre.
“Di vî warî de ez nikarim bêjim kîjan faktor dikarin ji bo Adirbêcanê dîyarker bin. Ez nikarim texmînan bikim. Careke din divê ez behsa daxuyanîyên wezîrê karên der bikim ku biryarên dawî yên li ser maseya danûstandinan rûniştine ne. Û em potênsîyaleke mezin dibînin ku dê di rewşa aşîtîyek birûmet û mayînde de hebe, û em ê her tiştî bikin, çi ji me bê xwestin, ji bo alîkarîkirina vê armancê”- ewê gotîye.
