Zaxarova bêhiş tevgeriya: xelkê Arsaxê tometbar dike tevî ku şansek heye, venegerin bo Arsaxê: Gayanê Abrahamyan
Wezîreta Rûsîyayêye karên der ragîhand ku Rûsîya di peywendîyên xwe yên li gel Adirbêcanê de pirsa penaberên ji Qerebaxê tîne ziman, derfeta wan heye ku vegerin welatê xwe. “Me ji carekê zêdetir şîrove û tekezî li ser gavên çêker yên Bekûyê kir ku ji bo gelê ku ji cîh û warên xwe derketine, derfetê bide vegerê. Ez ê bi rastî ji we re bibêjim, em vê mijarê di têkilîyên dualî yên bi hevkarên xwe yên Adirbêcanê re tînin ziman, ronîkirinên têkildar distînin. Berdevkê Sergêy Lavrov jî dibêje: “Ez careke din tekez dikim ku derfeta vegerê hebû.Derfeteke vegerê hebû û heye. Heger mirov bala xwe bidin malên xwe, cîhên nas, belkî divê ji wê derfetê sûd werbigirin. Ez careke din tekez dikim: ew hîn jî li wir e”.
Seroka rêxistina civakî ya “Navenda mafên wekhev” Gayanê Abrahamyanê di hevpeyvînekê de li gel Factor TV ê got ku ew berê wisa difikirîn ku ew ê îdî ji daxuyanîyên rayadarên rûsî matmayî nemînin, lê îdîayên Zaxarovayê bû sedema sosretîyeke mezine.
“Di van 5 salên dawî de, ez bawer bûm ku ez ê careke din ji reftarên hovane yên nûnerên fermî yên Fêdêrasîyona Rûsîyayê matmayî nemînim. Bi rastî ez vê carê hê bêtir matmayî mam. Daxuyanîya dawî ya Zaxarovayê bilindahîya bêedebî ye. Bi taybetî dema ku tekezî li ser wê yekê dike ku îmkana vegerê ya niştecîhên Arsaxê hebû û heye, behsa pêngavên avaker yên Adirbêcanê dike û hemû gunehan dixe stûyê ku niştecîhên Arsaxê venegerin bo Arsaxê. Xeta jêrîn ew bû ku çima ew derketin. Û sûcên sereke jî li dijî desthilatdarên Ermenîstanê ne. Bi gotineke din, bi qasî ku derket holê ku di 19 ê îlona sala borî de tiştek neqewimî, di 9 mehên berîya wê de raste-rast birçî nebûn, lê tê îdîakirin ku rayadarên Ermenîstanê gelê Arsaxê terikandîye”,-Gayanê Abrahamyanê daye kifşê.
Li gorî Abrahîmyanê, Fêdêrasîyona Rûsîyayê hewl dide ku hejmareke dîyar ji welatîyên Arsaxê vegerîne nav axa Arsaxê, da ku derfetê bi dest bixe ku hêzên xwe yên leşkerî vegerîne wir û ji ber vê yekê jî pêgehên xwe yên leşkerî û sîyasî li herêmê di asta berê de vegerîne. Lê Gayanê Abrahamyanê sênaryoya vegera welatîyên Arsaxê di bin sponsorîya Rûsyayê de rêalîst nabîne, ev sênaryoyeke muhtemel ya rehîneyê tîne bîra wî, ji ber ku ermenîyên hatine vegerandin dikarin bibin amûrek zextê li dijî Ermenîstanê û hewl bidin ku derxînin. Li gorî wê, pêwîst e biryar di pêkhateyên navdewletî de bên wergirtin ku wê piştgirîya mafê vegera ermenîyên Arsaxê bikin û di belgeyên qanûnî yên navdewletî de cîh bigirin.
