Muxatabê Radar Ermenîstanê zaneyekî navneteweyî Şahan Gantaharyan e
– Civîna wezîrên derve yên li Stembolê di formata 3+3 de dikare çi girîngî û bandorê li ser asayîkirina peywendîyên Ermenîstan-Adirbêcan û ermenî-tirkî bike?
– Berî her tiştî divê bê zelal kirin ku 3+3 naxebite. Di bingeh de, 3+2 kar dike. Gurcistan ji ber nakokîyên bi Rûsîyayê re tevlî nabe. Berevajî wê, format wek 3+3 berdewam dike. Matêryalên hatine weşandin gelek giştî ne: dîyalog, mijarên herêmî. Ji alîyê me ve, di van çarçeweyan de, Ermenîstan û Tirkîyayê berîya niha li hev kiribûn ku bi hev re pêwîstîyên têknîkî yên derbazkirina sînorê bi rêya hesinî ya Gumirî-Qersê binirxînin. Hêjayî balkişandinê ye ku wezîrê karên der yê Komara Ermenîstanê, ku destpêkirina rêya hesinî ya Gumirî-Qersê ya di navbera Ermenîstan û Tirkîyay de, li gel girêdana trênê ya di navbera Ermenîstan û Adirbêcanê, wê yekser girêdana bi bandor di navbera kendava Faris, behra Reş û Deryaya Navîn. Lê ez wisa difikirim ku heta peymana bi Adirbêcanê re ku Bekû pêvajoyê torpîl dike, ev proje bi ser nekevin.
– Bi berçavgirtina rewşa niha ya şerê Îran û Îsrayêlê, opêrasîyonên leşkerî. Di vê demê de îhtîmala gihîştina Kafkasîyayê heye?
– Li Başûrê Kafkasîya meylên statûoyê zêdetir xuya dibin. Hewldanên 3+3 bi tevlêkirina lîstikvanên sereke dixwazin herêmê aram bikin. Ez nafikirim ku ev yek bi temamî derxistina Rojavayê ye, ji ber ku cudakirina Tirkîyayê ji Rojavayê ne rêalîst e. Veguhertina 3+2 bibe 3+3 girêdayî encamên hilbijartinên Gurcistanê ye.
– Wezîrê Tirkîyayêyî karên der dîyar kir ku Tirkîya îhtîmala nakokîya di navbera Îsrayêlê û Îranê de pir zêde dibîne û divê herêm ji bo wê amade be. Wateya Fîdan ji beşa dawî ya peyvê çi ye?
– Fîdan dixwaze bêje heger dîplomasî bi ser nekeve, dibe ku herêm ber bi şerekî giştî ve biçe. Di encamê de navbeynkarîkirin û rol girtina bi xwe karekî xweser e. Û ev xwe tayînkirin rêtorîka sûcdar ya Enqereyê ya li dijî Têl Avîvê bêtir şanoyê dike. Em ji bîr nekin ku Îsrayêl jî bersiv da ku tu pirsgirêka wan bi Tirkîyayê re nîne. Niha di navbera Tirkîyayê û Îsrayêlê de peymanên di warên cuda de pêk tên.
– Baydên her wiha ragîhand, dema wê yekê ye ku ber bi avakirina agirbesta li Gazayê ve biçe, ji bo bidawîkirina vî şerî û vegerandina rehîneyan. Li gorî we îhtîmala rawestandina şer li Gazayê heye?
– Niha paradîgmaya opêrasîyonên leşkerî hatîye guhertin. Berê, başûrê Libnanê jêderê Gazayê bû. Niha navenda şer Libnan e, û Gaza jî jêderek e. Divê agirbest pakêt be, di nav de hemî wekîl. Û heta niha, ew hîn jî nayê dîtin.
