Serokê  Telegramê yî sereke Pavêl Durov meha cotmehê gerekê bihata Yêrêvanê: TIME

Rêvebirê Telegramê Pavêl Dûrov divîyabû di meha cotmehê beşdarî kongreya cîhanî ya nûbûn û têknolojîyê (WCIT 2024) li Yêrêvanê bibe, berîya ku polîsên fransî mudaxele bikin. Rojnameya amêrîkî TIME li ser vê yekê dinivîse.

Em bêjin  ku polîsên fransî di dawîya meha tebaxê de, piştî hatina Dûrov ji Adirbaycanê, girtin. Ew bi xwedîkirin û belavkirina pornografîya zarokan û narkotîkê, komploya ji bo sextekarî û tawanên din tê tawanbar kirin.

Kovara amêrîkî bi bîr xist ku di panêlên WCIT 2024 de li ser sêwirana asmanî, xweşbînkirina mêdyaya civakî û ewlehîya sîber nîqaş hatin kirin. Îlon Mask jî peyameke pîrozbahîyê şandîye.

Ev cara duyemîn bû ku Ermenîstan di pênc salên dawî de mêvandarîya WCIT-ê dike, û ronî dike ku çawa ev dêmokrasîya bejahî ya 3 mîlyonî xwe wek navendeke têknolojîyê ya cîhanî ji nû ve ava dike.

Li xaçerêya Avropayê û Asyayê, Ermenîstanê bernameya xwe ya perwerdehîyê ji nû ve serrast kir da ku herikîna domdar ya jêhatîya STEM mîsoger bike û ji pirneteweyan re ku kar û barên herêmî saz dikin betlaneyên bacê raber kir. Ew ji hêla Amazon, Google, Cisco, IBM, Microsoft, Broadcom û Nvidia ve hatin îmze kirin.

Serokkomarê Ermenîstanê Vahagin Xaçatûryan gotîye: “Di dema Yekîtîya Sovyêtê de, Ermenistan bi rastî wek welatek têknolojîya bilind pir navdar bû. Niha jî em dixwazin vê îtîbarê vegerînin”.