Balyoza Amêrîkayê û welatên Yekîtîya Avropayê hilbijartinên Parlamentoya Kurdistanê pîroz kir û dîyar kir ku hilbijartin bi coşeke mezin hatin kirin.
Foruma MERI 2024 ê bi sponsorîya tora mêdyayî ya Rûdawê tê lidarxistin.
MERI li Hewlêrê bi sernavê, “Ber bi hukimranîya durist û Refahê ve” tê lidarxistin.
“Me gelekî dixwest hilbijartin werin kirin”
Nûnerê dîplomasîyê yê Yekîtîya Avropayê yê Îraqê Thomas Seller di panela yekem civîna MERÎ yê de gotîye:
“Ez dixwazim ji bo hilbijartinên parlamentoyê, Herêma Kurdistanê pîroz bikim.
Ev xaleke girîng bû ku min û Neteweyên Yekbûyî me gelekî piştgirîya lidarxistina van hilbijartinan dikir.
Ez dibînim çend nûnerên kurd li vir bi ken li min guhdarî dikin.
Ew dizanin ku ez çi dibêjim û dizanin ku min çi kiriye.
Ez li ser navê Bryûsêlê careke din hilbijartinan li we pîroz dikim.
Ez wisa difikirim ku hûn dê di çend meh û salên pêş de bizanibin ku ev hilbijartin çiqasî girîng in”.
Her wiha balyoza Holandîyayê ya Îraqê Hans Sandêê jî li ser hilbijartinan anî ziman:
“Ji bo lidarxistina hilbijartinên Herêma Kurdistanê ez we pîroz dikim.
Em hêvîdar in sala 2025 a jî hilbijartinên serkeftî bên lidarxistin.”
Amêrîka: Hilbijartineke bi coş bû
Balyoza Aûstryayê ya Îraqê Andrêa Nassî jî li ser hilbijartinan da zanîn:
“Hilbijartinên giştî yên Herêma Kurdistanê mijareke gelekî girîng bû û wê bibe sedema berdewamîya aramîya Îraqê bi giştî”.
Balyoza Amêrîkayê ya Îraqê Alîna Romanovskîyê jî li ser hilbijartinên Herêma Kurdistanê gotîye:
“Kurdistana Îraqê dikare bi hêz be. Li hilbijartinên 20 ê çiriya pêşînê binêrin.
Wekî piranîya hilbijartinan ew jî bi coş bûn. Rêjeya beşdarîyê zêde bû.
Bifikirin ku ji bo her hilbijartinan mînakeke pir baş e”.
Hilbijartinên Parlamêntoya Kurdistanê 20 ê çiriya pêşînê hatin lidarxistin.
Komîsyona bilind ya serbixwe ya hilbijartinan ya Îraqê amarên destpêkê yên hilbijartinên Parlamentoya Kurdistanê eşkere kirin.
Rêjeya beşdarîya hilbijartinên Parlamentoya Kurdistanê 72 selef bû.
Li gorî encamên komîsîyonê hejmara kursîyên partîyan li Parlamentoya Kurdistanê wiha ye:
Partîya Dêmokrat ya Kurdistanê (PDK): 39 kursî
Yekîtîya Niştîmanî ya Kurdistanê (YNK): 23 kursî
Newey Nwê (Nifşê Nû): 15 kursî
Yekgirtûya Îslamî ya Kurdistanê (Yekgirtû): 7 kursî
Tevgera Helwestê: 4 kursî
Komeleya dadgêrîyê (Komel): 3 kursî
Enîya Gel: 2 kursî
Tevgera Goranê: 1 kursî
Hevpeymanîya Herêma Kurdistanê: 1 kursî
