Sêrvîsa gumrikê ya Rûsîyayê Ermenistan yek ji hevkarên bazirganiyê yên sereke bi nav kirîye
Heta dawîya sala 2024 a qebareya bazirganîya derve ya Rûsîyayê wê ji 700 mîlyard dolarî derbas bibe. Alîkarê serokê giştî yê gumrika Fêdêral ya Rûsîyayê Vladîmîr Îvîn di hevpeyvîna xwe ya bi RT re de agahî daye.
Ewî destnîşan kir ku li hember zexta cezayên ku her ku diçe zêde dibe, Rûsîya dîsa jî karî lojîstîkî û dorhêla xwe ya darayî ji nû ve ava bike.
Niha hevkarên sereke yên bazirganîyê yên Rûsîyayê Çînistanê, Hindistanê, Tirkîyayê û welatên Yektîya Avrasîyayêye Êkonomîkî ne.
Wek ku cîgirê serokê kar û barê gumrikê ya Fêdêral ya Fêdêrasîyona Rûsyayê destnîşan kir, her çend gelek pargîdan hîn jî di dravdana ji bo hinardekirinê de dijwarî hene, karsaz bi gelemperî rêyên çareserkirina pirsgirêkan û domandina herikîna tiştan peyda dikin.
“Çînistan bi kevneşopî gelek salan di navnîşa hevkarên bazirganî yên sereke de cîhê yekem digire, lê di salên dawî de para wê pir zêde bûye. Niha ew 34 selefê bazirganîya me ya derve pêk tîne. Hindistan bi xwe bawer bû di rêza duyemîn de, ji Tirkîyayê derbas bû. Rêjeya Hindistanê 9 selefe, ya Tirkîyayê jî 8 selefe. Paşê Bêlarûs e, ku di vê rêzê de jî pozîsyona xwe xurt kirîye (8 selef), paşê Qazaxistan (6 selef).
Rêjeya welatên din 2-4 selefe. Di nav wan de Ermenîstan jî heye ku di heman demê de endamê yekîtîya aborî ya Avrasyayê ye. Bi gotineke din, hemî welatên Yekîtîya Avrasîyayêye êkonomîkî di nav deh hevkarên me yên bazirganî yên herî mezin de ne. Komara Korêayê, Almanya û Îtalya jî li wir amade ne”,- Îvîn daye kifşê.
