NATO bi nûneratîya Tirkîyayê hewl dide ber bi behra Kaspîyê here:Avatkov li ser rola Ermenîstanê
NATO bi nûneratîya Tirkîyayê bi awayekî aktîv rê li ber behra Kaspîyê vedike û li ser rêya vekirina korîdorekê di nav axa Ermenîstanê de, Enqere pirsgirêkên berfirehbûna jêopolîtîk û îdêolojîk çareser dike.Rojhelatnasê rûs, tirkzan Vladîmîr Avatkov di mezadê de ku li ser platforma mûltîmêdya ya Sputnik Armênîyayê hat lidarxistin ev nêrîn anî ziman.
Di vê çarçoveyê de Avatkov amaje bi pêvajoya niha ya birêkûpêkkirina peywendîyên ermenî-tirkî kir, ku ew bi awayekî ne standard dibîne.
Li gorî pispor Tirkîya (piştî bûyerên naskirî yên li ser Qerebaxê) xwe wek serketî dibîne û hewl dide li herêmê peywendîyên sîyasî û aborî yên bi kêrî pêk bîne û hewl dide ku şeklê Başûrê Kafkasyayê biguhere gavên wî ber bi têkilîya.
“Ji bo nêzîkî Çînistanê bibe pêwîstîya Tirkîyayê bi korîdorên Kaspîyê û Asya Navîn heye. Bê guman, ji bilî wê, ew welat xwedîyê îdêolojîyên xwe ye: nêoosmanîzm, pantûrkîzm. Divê ev yek jî li ber çavan bê girtin: dewleta tirk pir îdêolojîk e. Pêwîstîya Tirkîyayê bi Ermenîstanê heye ku di navbera wê û Adirbêcanê de bibe herêmeke veguhêz û bê astengî kelûpelên xwe bişîne. Û eger kesek ji bîr kiribe, bila bi bîr bixim ku Tirkîya endamê NATO ê ye. Û ew ber bi behra Kaspîyê ve diçe, ev tê wê wateyê ku NATO ber bi behra Kaspîyê ve diçe”.
Li gel wê, wek rojhilatnas behs kir, dîroka şaristanîya tirkan ya dewletên Sovyêtê yên Asya Navîn ji Tirkîyaya îroyîn pir kevntir e, ku wek derûdora cîhana tirkan, hewl dide berovajî vê yekê ferz bike.
Sosîyolog, akadêmîkê akadêmîya zanistî ya netewî ya Ermenîstanê Gêvorg Poxosyan daxwaza Tirkîyayê ya ji bo derbazkirina korîdorekê di nav axa Ermenîstanê re di serî de fikreke jêopolîtîk dibîne.
Li gorî wî, Tirkîya dikare di ser axa Gurcistanê û Îranê re derbazî Adirbêcanê bibe, lê ew dixwaze derbazî başûrê Ermenîstanê bibe. Ji ber vê yekê, ew ne tenê di derbarê ragîhandina veguhastinê de, lê di derbarê berfirehbûnê de ye.
Hêjayî gotinê ye ku daxwazên Enqereyê yên ji bo peydakirina korîdoreke derva û dev ji pêvajoya naskirina qirkirina ermenîyan ji bo birêkûpêkkirina têkilîyên bi Yêrêvanê re, ji şertên sereke yên Enqereyê ne.
