Desthilatdarên Adirbêcanê bi lîstina “dadgehkirina vekirî” di dadgehkirina sexte ya serokên berê yên Komara Qerebaxê de hewl didin civaka navdewletî bixapînin.
Em bînin bîra we ku duyemîn danîşîna dadgehê ya di vê “dozê” de pêk hat. Ji bersûcan re bi awayekî fermî parêzer û wergêr têne peyda kirin û parêzer jî bi fermî destûr didin ku serlêdanan bikin. Hin parêzeran bi daxwaza girtinê sewqî hepsa malê kirin û li ser vê yekê dozgerî û “mexdûran” nerazîbûn nîşan dan.
Her wiha zêdeyî 531 hezar kes mexdûrên vê “dozê” ne. Ev “penaber” in – ji heft herêmên derdora Qerebaxa Çîya ku ji ber şerê ku ji alîyê Adirbêcanê ve hatîye destpêkirin, Ermenîstan û Qerebaxa Çîya terikandine. Em bînin bîra we ku ev sê deh sal in rayedarên Adirbêcanê her gav behsa “mîlyonan” penaberan dikin.
Dozgerî li dadgehê ji alîyê 6 dozgeran ve tê destekkirin.
15 bersûc hene ku di nav wan de serokên berê yên Qerebaxê Arkadî Xûkasyan, Arayîk Harûtyûnyan, Bako Sahakyan, serokê berê yê Qerebaxê Davît Îşxanyan, wezîrê karên derî berê Davît Babayan, wezîrê parastinê yê berê Lêvon Mnasakanyan , Garîk Martîrosyan, Mêlîksêt Paşayan, Davîd Allahvêrdyan, Gûrgên Stêpanyan, Lêvon Balayan, Madat Babayan, Vasîlî Bêglaryan û Êrîk Xazaryan.
Rûniştin li dadgeha leşkerî ya Bekûyê bi serokatîya dadger Zêynal Axayêv pêk tê.
