Serokê hukumeta Herêma Kurdistanê peyamek parve kirîye ku tê de hatîye gotinê: “Em bi peywendîyên bihêztir û derfetên zêdetir ji bo paşeroja Kurdistanê ji Davosê vedigerin”.
Serokê hukumeta Herêma Kurdistanê Mesrûr Barzanî li ser hesaba xwe ya tora civakî ya X ê peyamek li ser tevlîbûna xwe ya di korbenda Davosê de parve kirîye.
Di peyama serokê hukumeta Herêma Kurdistanê de hatiye gotinê:“Em bi peywendiyên bihêztir û derfetên zêdetir ji bo paşeroja Kurdistanê ji Davosê vedigerin”.
Mesrûr Barzanî li Davosê di dema çar rojan de zêdetirî 15 civînan bi serokwezîr, wezîr, berpirs, weberhêner û xwediyên kompaniyên cîhanî re kirin, û tê de tekez li ser pêşxistina peywendiyên Herêma Kurdistanê û welatan kirin.
Bi tevlîbûna serokê hukumeta Herêma Kurdistanê Mesrûr Barzanî û zêdetirî du hezar 500 serok û serokwezîr û berpirsên welatan, gera 55 a ya korbenda aborî ya cîhanê li bajarê Davosê yê Swîsrayê hat destpêkirin.
Korbenda Davosê ji sala 1975 a heta niha berdewam e û ev çar sal in ku serokwezîrê Herêma Kurdistanê Mesrûr Barzanî tevlî wê korbendê dibe, mala Kurdistanê jî ev sala duyê ye li Davosê mêvandariya serok û serkirde û şandên welatan dike.
