Tenduristîya girtîyê sîyasî Rûbên Vardanyan di xeterîyê de ye: elametîya parêzer
Tevî ku rewşa tendurustîya Vardanyan piştî hefteyekê ji gireva birçîbûnê xirab bûye jî, Adirbêcan zorê dide wî ku beşdarî dadgeha sexte bibe.
Parêzerê Rûbên Vardanyan yê navneteweyî Carêd Gênsêr elametî belav kirîye.
“Berî hefteyekê wezîrê dewletê yê berê yê Qerebaxê Rûbên Vardanyan gaveke wêrek avît: ji bo şermezarkirina dadgehkirina şovenî ya sîyasî ku li Adirbêcanê li dijî wî û girtîyên din yên sîyasî yên ermenî tê meşandin, gireva birçîbûnê ragîhand.
Doza Vardanyan piştî nêzîkî 500 roj binçavkirina keyfî 17 ê çile de dest pê kir. Ne tenê ji ber sûcên sîyasî rastî cezayê hetayê tê, lê belê mafên wî yên hiqûqî jî bi awayekî tund hatine binpêkirin.
Rûniştina doza Vardanyan tevî rewşa tenduristîya wî ya nebaş û gelek daxwazîyên taloqkirina dozê jî duh dewam kir. Bi taybetî, tansîyona xwînê Rûbên bi xeternak bilind bûye, ku hewceyê lênihêrîna bijîşkî bûye. Nebza wî gelek ji normalê bilindtir bûye.
Tevî pirsgirêkên giran yên tenduristîyê, lê dîsa jî neçar ma ku derkeve pêşberî heyeta dadwerîyê ya dadgeha leşkerî ya Bekûyê û beşdarî rûniştina ku veşartî û li pişt derîyên girtî bû, ji ber rewşa tenduristîyê ya Rûbên, pêşwext pêşnîyara paşxistina rûniştinê kir û heyeta dadwerîyê ji bo mûayeneya bijîşkî ya ku ji hêla dewletê ve hatî destnîşan kirin betlane ragîhand. Lê belê, bijîjk tenê çavdêrîyên xwe bi dadgehê re parve kir, ne bi awayekî fermî di danişînan de, pirsên cidî di derbarê rastbûna encaman de anîn ziman.
Li gorî qanûna 27 a qanûna Nêlson Mandêla, [hemû] cîhên binçavkirinê divê di rewşên awarte de gihîştina bi lez ya lênihêrîna bijîşkî mîsoger bikin. Bi zorêkirina Rûbên ku beşdarî vê darizandinê bibe, dema ku tenduristî û ewlehîya wî di xetereyek cidî de ye, bi kêmanî, mûamele yan cezakirina hovane, nemirovane û rûreş e.
Ez bang li hemû rêxistinên navneteweyî yên ku bi girtîyên Adirbêcanê re hene, ji bo destûra serdana Rûbên daxwaz dikim ku ji pisporên dadwerî yên serbixwe daxwaz dikim ku çavdêrîya “dadgehkirina” Rûbên bikin da ku di rûniştinan de careke din mafên wî neyên binpêkirin.
Ez bang li hukumeta Adirbêcanê dikim ku rê bide doktorê tîma me ya navneteweyî ku serdana wî bike, bi lez lênihêrîna bijîşkî ya pêwîst ji wî re pêşkêş bike, di nav de çavdêrîya saxlemîya wî, ku pêwîstîya wî heye, û dadgehkirina wî taloq bike heta ku gireva birçîbûnê bi dawî bibe.
“Ez bang li rêberên cîhanê jî dikim, di serî de serokwezîrê Ermenîstanê Nîkol Paşînyan, ku vê darizandina şovenî şermezar bikin û wê wek sîyasî û neqanûnî bi nav bikin”.
