Gelo Ermenîstan plan dike ku xercên endamtîyê bide byûcêya Organîzeya Peymana Ewlehîya Kolêktîv? :daxuyanîya wezîreta karên der
Gelo Ermenîstan plan dike ku heqê endametîya salane bide byûçêya Organîzeya Peymana Ewlehîya Kolêktîv? Li ser daxwaza Sputnik Armenîya ê, wezîreta karên der ya Ermenîstanê li ser vê mijarê şîrove kirîye.
“Aliyê ermenî bi fermî sekreteriya Organîzeya Peymana Ewlehîya Kolêktîv agahdar kirîye ku ew ê ji lûtkeya Organîzeya Peymana Ewlehîya Kolêktîv ya sala 2024 a dûr bikevin”. Wezîreta karên der gotîye: “Ji îmzekirina biryara konsêya Organîzeya Peymana Ewlehîya Kolêktîv ya “Li ser byûceyê” û beşdarbûna fînansekirina xebatên rêxistinê yên ku ji aliyê wê ve hatine pêşbînîkirin”.
Wezîretê her wiha da zanîn ku li gorî rêgezên navxweyî yên Organîzeya Peymana Ewlehîya Kolêktîv, agahiyên li ser byûcêya salane ya rêxistinê ne ji raya giştî re ne.
Berî niha cîgirê wezîrê karên der yê Rûsîyayê Alêksandr Pankîn gotibû, heger Ermenîstan heta dawiya sala 2025 a heqê endamtiya xwe nede byûcêya Organîzeya Peymana Ewlehîya Kolêktîv, welatên endamên wê rêxistinê “dibe ku ssênarên cuda bifikirin”.
Em bînin bîra xwe ku di 8 ê gulana sala 2024 a de wezîreta karên der ya Ermenîstanê ragîhand ku Ermenîstan beşdarî fînansekirina çalakiyên Organîzeya Peymana Ewlehîya Kolêktîv nabe. Paşînyan di 14 ê hezîranê li meclisa neteweyî daxuyand ku pêngava din ya mantiqî vekişîna ji Organîzeya Peymana Ewlehîya Kolêktîv ye.
18ê îlonê, di dema foruma ermeniyan ya cîhanê de, ewî daxuyand ku Ermenîstan di têkiliyên xwe yên bi Organîzeya Peymana Ewlehîya Kolêktîv re nêzîkî xala bêveger e. Li gorî wî rêxistinê metirsî li ser serweriya welat çêkiriye.
