Armên Grîgoryan li konfêransa “Dîyaloga Yêrêvanê” de projeya “Xaçerêya aşîtîyê” raber kirîye
Înîsîyatîva “Xaçerêya aşîtîyê” ku ji alîyê hukumeta Ermenîstanê da hatîye raberkirin, projeyeke aborî ye ku armanc wê blokekirina ragîhandinê li herêma Kafkasya Başûr, çêkirina pêwendîyê li herêmê, û zêdekirina pêwendîyê ji bo pêşxistina aşîtî û aramîyê li herêmê ye.
Li gorî ragîhandina “Armenpress” ê, di çarçoveya konfêransa “Dîyaloga Yêrêvanê” de ev yek ji alîyê sêkrêtarê konseya ewlekarîyê ya Komara Ermenîstanê Armên Grîgoryanda hatîye dîyarkirin.
“Hukumeta Ermenîstanê ev pêşnîyar raberî welatên herêmê û civaka cîhanî kirîye, da ku beşdarî vê projeyê bibin, ku potênsîyaleke mezin ji bo gîhandina refah û aramîyê heye”.
“Pêvajoya aşîtîyê gelek pêkhateyên wê hene û yek ji wan jî peywendîyên aborî yên di navbera welatên herêmê de ye, lê wek ku min behs kir, proje derfetê dide welatên din jî ku beşdarî proseyê bibin”,-Grîgoryan gotîye.
Ewî her wiha gotîye, ji bo Ermenîstanê girîng e ku rakirina dorpêçê li ser esasê serwêrî û hiqûqa welatên herêmê pêk bê, ev yek jî di çarçoveya aşîtîyê de pir girîng e.
“Di çarçoweya dorpêçkirinê de, em prînsîpên wekhevî û hevberdanê pir girîng dibînin, ji ber ku ev prînsîpên sereke ne ku derfetan ji her kesî re diefirînin, ne ji bo welatan”.
Ermenîstan niha gelek bernameyên ku di çarçoveya “Xaçerêya aşîtîyê” de ne, pêk tîne. Wek mînak avakirina rêya bakûr-başûr ku ji alîyê girêdanê ve gelekî girîng e, di heman demê de pêşketina binesazîya Ermenîstanê jî tê wateya wê yekê. Hukumeta Ermenîstanê di van çend salên borî de bi tundî veberhênanên binesazîya Ermenîstanê dike, û gihandîye wê astê ku derfeta wê heye ku bi binesazîya herêmê ve bê girêdan. Grîgoryan wiha dawî li axaftina xwe anîye: “Em welatên herêmê û civaka cîhanî vedixwînin vê pêvajoyê û tevkarîyê li aşîtîya li herêmê bikin”.
