Di hawîrdoreke parastinê ya bi lez diguhere, Ermenîstan stratêjîya xwe ya parastinê dinirxîne li hember hêza hewayî ya zêde ya Adirbêcanê, ku niha bi peymaneke balafirên şer yên 4,6 mîlyard dolarî bi Pakîstanê re tê xurtkirin. Jetline Marvel dinivîse ku di demekê de ku Bekû amadekarîyê dike ku 40 balafirên şer yên JF-17 Thunder Block III yên nifşê nû bikire, Yêrêvan ji bo bersiveke bihêz bi kirîna balafirên şer yên Su-30MKI yên Hindistanê berê xwe dide Nyû Dêlîyê.
Ev dezgeha mêdyayî dinivîse ku Ermenîstan vê dawîyê bû bikirçîyê yekem yê bîyanî yê sîstêma parastina hewayî ya Akash ya Hindistanê, ku ev yek di têkilîyên parastinê yên dualî de qonaxeke girîng nîşan dide. Niha Yêrêvan bi destpêkirina danûstandinên asta bilind ji bo kirîna balafirên Su-30MKI yên çêkirî yên Hindistanê, dixwaze vê hevkarîyê kûrtir bike. Tê destnîşankirin ku Su-30MKI, ku ji hêla Hindistan û Rûsyayê ve bi hevbeşî hatîye pêşxistin û ji hêla Hindustan Aeronautics Limited ve li herêmê hatîye hilberandin, bi berfirehî ji ber şîyanên xwe yên lêdana dûr-menzîl, jêhatîbûn û întêgrasîyona xwe bi çekên herêmî re tê nasîn.
Li gorî weşanê, serkeftina wê di opêrasîyonên enîya pêş de bala Ermenîstanê kişandîye ji ber ku ew hewl dide ku şîyanên hewayî yên Adirbêcanê yên ku bi lez pêşve diçin, hevseng bike.
Eleqeya Ermenîstanê bo vê balafirê ji ber fikarên ewlehîyê ye piştî kirîna berfireh ya balafirên şer yên JF-17 Block III ji Pakîstanê ji alîyê Adirbêcanê ve, ku bi alavên hewayî yên nûjen û mûşekên PL-15 yên dûr-menzîl ve hatine sazkirin.
Yêrêvan wê wek wekhevkareke stratêjîk dibîne ku hem pêrformansa şer ya bilind û hem jî lêçûyîn-bandor pêşkêş dike.
Çapa mêdyayê tekez dike ku filoya Su-30MKI nirxa xwe îzbat kirîye, nemaze di dema opêrasîyona Sindur de, ku balafiran şîyanên lêdana rast û pênêtrasyona kûr nîşan dan. Bi destxistina vê platformê ji hêla Ermenîstanê ve ne tenê wê şîyanên wê yên astengkirinê xurt bike, lê di heman demê de întêgrasîyonê bi Su-30SM-ya heyî re jî hêsan bike.
Ew ji bo opêrasîyonên hemî hewayê û mîsyonên êrîşa hewa-hewa û erdê hatîye sêwirandin. Ew dikare bi otopîlot bifire û radarê ji bo navîgasyona bilindahîya nizm bikar bîne, û dikare ÿrîşî hedefên hewayî û erdê bike, bi tena serê xwe yan jî bi rêzê. Heta sala 2024 a nêzîkî 600 ji van balafiran hatine çêkirin.
Pispor bawer dikin ku pakêta Su-30MKI ya nûjenkirî ya HAL, ku tê de mûşekên Astra yên ji dûr vedîtinê, mûşekên Rudram, û heta mûşekên krûz yên BrahMos yên çêkirî yên Hindistanê hene, li gorî altêrnatîvên Rojavayî pakêtek pir çêtir û erzantir raber dike.
Mêdyaya navborî radigîhîne ku ji bilî kirîna wan, Ermenîstan îhtîmala modêrnîzakirina balafirên xwe yên Su-30SM bi karanîna têknolojîya Hindistanê vedikole. Ev yek întêgrasyona çekan, modêrnîzakirina alavên hewayî û hevkariyên perwerdehîya pîlotan dihewîne.
Tê destnîşankirin ku di rewşa guhertineke stratêjîk de, Ermenîstan dikare fermana heşt balafirên Su-30SM yên din ji Rûsyayê betal bike, û li şûna wê, di çarçoveya înîsîyatîva “Li Hindistanê çêke” ya Hindistanê de, veberhênanê li Su-30MKI yên ku ji hêla HAL ve hatine hilberandin bike. Ev ne tenê piştgirî dide pîşesazîya parastinê ya Hindistanê, lê di heman demê de Ermenistanê wek hevkarek parastinê ku di hevkarîya demdirêj de veberhênanê dike, bi cîh dike.
Her ku alozîyên herêmî li Başûrê Qefqasyayê zêde dibin, daxwaza Ermenîstanê ya ji bo Su-30MKI yan ji Hindistanê sembola bawerîya zêde bi êkosîstêma parastinê ya Hindistanê ye. Li gorî ajansa mêdyayê, ev hevkarîya pêşkeftî dikare destpêka hevkarîyeke leşkerî û stratêjîk ya kûrtir nîşan bide.
