Hevaltîya navneteweyî ya PMI Science wek yekemîn niştecîhê avahîya lezkerê karsazîyê: mêmorandûm hatîye îmzekirin
8 ê tîrmehê, merasîma îmzekirina mêmorandûma “PMI Science- Engineering City” li endezyarîya city bi beşdariya wezîrê pîşesazîya têknolojîya bilind ya Komara Ermenîstanê Mxîtar Hayrapêtyan hatîye lidarxistin. Mêmorandûm di navbera “Philip Morris Armenia”, fonda “Înkûbatora karsazîyê” û komeleya înjênêrîyê de hatîye îmzekirin, ku rê li ber pêkanîna projeyên nûjen û pêşxistina pergala zanistî û lêkolînê vedike.
Bi îmzekirina mêmorandûmê, bajarê înjênêrîyê dikeve qonaxeke nû: PMI Science dibe yekem niştecîhê navneteweyî ku ne tenê di avahîya lezkerê karsazîyê de cîh kirê dike, lê di heman demê de navendeke lêkolînê ya pirfûnksîyonal bi laboratorên nûjen û kapasîteyên hilberînê di êlêktronîk, zanista matêryalan, ava dike.
Wezîr Mxîtar Hayrapêtyan di çalakîyê de gotareke pêşwazîyê raber kirîye û girîngî û guncawbûna înîsîyatîvê, û her weha hevkarîya sêktora giştî-taybet di pêşxistina lêkolînên zanistî û potênsîyala têknolojîk de tekez kirîye.
Wezîr destnîşan kirîye ku “Her pargîdanîyek ku beşdarî bajarê înjênêrîyê dibe ji vê jîngehê sûd werdigire, ku tê de gengaz e ku projeyên lêkolînê yên zanistî yên piralî, danûstandina ezmûn û hevkarîyê bi hev re bên hev kirin”.
Wezîr tekez kirîye ku armanca stratêjîk ya wezîreta pîşesazîya têknolojîya bilind û hukumetê ew e ku Ermenîstanê ne tenê li herêmê, lê di heman demê de li seranserê cîhanê jî bike navendeke sereke ya R&D. Îmzekirina vê mêmorandûmê yek ji gavên girîng e ber bi gihîştina wê armanca mezin, ku bingehek ji bo zanîna nû, çareserîyên nûjen û projeyên hevbeş diefirîne.
Navenda lêkolînê ya ku li bajarê înjênêrîyê tê çêkirin, plan dike ku alavên nifşê nû bîne ku wê hilberîn û potênsîyala cêribandinê bi girîngî zêde bike. Ev ê bibe bingeha efirandina projeyên nûjen û berfirehkirina têkilîyên zanistî û lêkolînê.
