“Di demek nêzîk de Adirbêcan û Ermenîstan wê hebin: Tramp hêjayî xelata Аşîtîyê ya Nobêlê ye” :endamê kongrêsa amêrîkî
Endamê komarparêz yê meclisa nûneran ya Dewletên Amêrîkayêye Yekbûyî Co Wîlson elam kirîye ku serok Donald Tramp wê di demeke nêzîk de di navbera Adirbêcanê û Ermenîstanê de aşîtîyê pêk bîne, ji ber vê yekê hêjayî xelata Aşîtîyê ya Nobêlê ye.
“Tu car serokomarekî bi qasî Donald Tramp aştîxwaz tune bûye.”
Kongo û Rûanda
• Tayland û Kamboca
• Pakîstan û Hindistan
Û di demek nêzîk de Adirbêcan û Ermenîstan.
“Ew hêjayî xelata Aşîtîyê ya Nobêlê ye,” endamê kongreyê li ser mîkrobloga xwe X ê nivîsîye.
Bîr bînin ku Alêks Raûfoglû, peyamnêrê berê yê ajansa nûçeyan ya “Tûran” ê ya Adirbêcanêye li Waşîngtonê, ragîhandîye ku serokê Amêrîkayê Donald Tramp amadekarîyan dike ku roja înîyê li qesira Sipî serokwezîrê Ermenîstanê Nîkol Paşînyan û serokkomarê Adirbêcanê Îlham Elîyêv pêşwazî bike. Piştra ewî hûrgilîyên din jî dane.
Rojnamevan li ser mîkrobloga X ê nivîsîye: “Li gorî çavkanîyên min, hin hûrgilîyên li ser civîna bilind ya Dewletên Yekbûyî-Ermenîstan-Adirbêcanê ya vê înîyê Tramp wê pêşîyê bi serokwezîrê Ermenîstanê Paşînyan re bicive, dû re jî serokkomarê Adirbêcanê Elîyêv pêşwazî bike. Piştre her sê rêber wê daxuyanyeke hevbeş bidin”.
