Hevaltîyên amêrîkî wê kêfxweş bibin ku beşdarî projeyên korîdora Zangêzûrê  bibin: Kênêt Êncêl

Hevaltîyên amêrîkî wê kêfxweş bibin ku beşdarî projeyên têkildarîya korîdora Zangêzûr bibin û pêşnîyarên xwe ji bo îhaleyan  raber bikin.

Derheqa wê yekêda rêveberê giştî yê korporasîyona fînansê ya geşepêdana Dewletên Yekbûyî  Kênêt Êncêl bersiva pirsa  Report ê daye.

“Rûsya û Îran vê korîdorê naxwazin. Lê belê, Tirkîya piştgirîyê dide vekirina wê. Ez difikirim ku Ermenîstan jî wê jê hez bike, ji ber ku ew îhtîmala berhevkirina xercan ji bo barhilgirên ku di vê rêyê re derbaz dibin dinirxînin. Ez difikirim ku ev pêvajo wê hin garantîyên ewlehîyê, û her weha dîplomasîyê jî hewce bike”,- ewî gotîye.

Êncêl zêde kirîye ku projeya korîdora Zangêzûrê, ku wek rêya Tramp jî tê zanîn, niha di qonaxên destpêkê yên pêkanînê de ye. Lê belê, ewî tekez kirîye ku gava ew bê destpêkirin, hevaltîyên amêrîkî wê kêfxweş bibin ku ji derfeta beşdarbûna projeyan sûd werbigirin û pêşnîyarên xwe ji bo îhaleyan raber bikin.