Ermenîstan bi gaza Îranêye ron re eleqedar e: Gêvorg Papoyan Mohammad Sadêx Ezîmîfarî qebûl kirîye kirîye

Wezîrê Ermenîstanêyî aborîyê  Gêvorg Papoyan cîgirê wezîrê Îranêyî neftê Mohamad Sadêx Ezîmîfar qebûl kirîye. Wextê  rasthatinê cîgirên wezîran Narêk Hovakîmyan û Êdgar Zakaryan, balyozê Îranêyî li Komara Ermenîstanê Mêhdî Sobhanî û baylozê  Ermenîstanêyî li Komara Îranê Hayk Nazaryan hazir bûne.

Li gorî “Armenpress” ê, ji wezareta Ermenîstanêye aborîyê  ragîhandine ku di dema axaftinê de, Gêvorg Papoyan girîngîya pêşxistina hevkarîya nêzîk ya ku di warê aborîyê de di navbera Komara Ermenîstanê û Komara Îranê de pêk hatîye, tekez kirîye.

Wezîr destnîşan kirîye ku Ermenîstan bi gaza ron ya Îranê ya bi kalîte û bi bihayê reqabetê eleqedar e, ku dikare bibe bingeha hevkarîyeke demdirêj û sûdmend ji bo herdu alîyan, di heman demê de beşdarî hewînkirina ewlehîya ênerjîyê ya welêt bibe.

Behsa derfetên hevkarîyê yên pêşerojê hatine kirin, ku ev in: berfirehkirina bazirganîya pêtrolê û berhemên pêtrolê, pêşxistina binesazîya dabînkirina gaza ron û xwezayî, veberhênanên hevbeş di sêktora ênerjîyê de, û karanîna bi bandor ya navendên veguhastin û lojîstîkê yên herêmî (“Bakûr-Başûr”, “Xaçerêya aşîtîyê”).