Yekîtîya  Avropayê plana çalakîyê ya lîbêralîzasîyakirina vîzayê ya Ermenîstan-Yekîtîya Avropayê veguhestîye Ermenîstanê

5 ê mijdarê  seredana xweye li Ermenîstanê, cîgirê rêveberê giştî yê koçberî û kar û barên navxweyî yê komîsyona Avropayê Yohannês Lûxnêr, plana çalakîyê ya lîberalîzasîyakirina vîzayê ya Ermenîstan-Yekîtîya Avropayê radestî berpirsa payebilind ya alîyê Ermenîstanê ji bo dîyaloga lîbêralîzasîyakirina vîzayê, wezîra Ermenîstanêyî karên hundur Arpînê Sargsyanê kirîye. Derheqa wê yekêda ji wezîreta karên hundur hatîye ragihandin.

Merasîma radestkirinê bi amadebûna cîgirê serokwezîrê Komara Ermenistanê Mihêr Grîgoryan pêk hatîye

Karbidesta payebilind ya alîyê Ermenîstanê di mijarên dîyalogê de li ser serbestberdana vîzayê, wezîra Ermenîstanêye karên Arpînê Sargsyanê piştî wergirtina belgeyê, destnîşan kirîye ku ev qonaxeke girîng e di hevkarîya di navbera Ermenîstan û Yekîtîya Avropayê de û berê bala raya giştî û bendewarîyên berfireh çêkirîye.

Alîyan bi kêfxweşî pêşketinên heta niha di vî warî de destnîşan kirine û dîyar kirine ku raberkirina fermî ya plana çalakîyê ya lîbêralîzasyona vîzayê ya Yekîtîya Avropayê delîla hewldanên rastî yên dualî ye.

Pabendbûna alîyê ermenî ji bo pêkanîna tedbîrên ku di planê de hatine pêşbînîkirin ji nû ve hatîye piştrast kirin, ku encama dawîn ya wê ew e ku derfetên rêwîtîyê yên bi rûmet, ewle û hêsan ji bo welatîyên ermenî ber bi Yekîtîya Avropayê ve bên mîsoger kirin.

Piştî çalakîyê, Lûxnêr û Sargsyanê civîna çapemenîyê li dar xistine û bersiva pirsên rojnamevanan dane.