Êdvard Asryan û Anîl Çaûhan pêşketinên hevkarîya Ermenîstan-Hindistanê di sêktora parastinê de niqaş kirine

Li kompleksa îdarî ya wezîreta parastinê ya Ermenîstanê, cîgirê yekem yê wezîrê parastinê, serokê fermandarîya giştî ya hêzên çekdar, gênêral-lêytênant Êdvard Asryan bi serokê fermandarîya parastinê ya hêzên çekdar yên Hindistanê, gênêral Anîl Çaûhan re hevdîtineke taybet kirîye û piştre bi şandeyeke berfireh re civîyaye.

Wek ku “Armenpress”  ji daxuyanîya wezîreta parastinê fêr dibe, di hevdîtinan de li ser rêça heyî ya hevkarîya di navbera Ermenîstanê û Hindistanê de di sêktora parastinê de niqaş kirine û encamên çalakîyên ku di çarçoveya hevkarîya dualî de hatine lidarxistin, kurteber kirin.

Alîyan her wiha li ser hejmarek mijarên têkildarî pêkanîna bi bandor ya çalakîyên ku ji bo sala 2026 a hatine plankirin, axivîne.

Herdu alîyan girîngîya lidarxistina perwerdehîya pîşeyî û tetbîqatên leşkerî û çalakîyên danûstandina ezmûnê di warên cûre-cûre de li Ermenîstanê û Hindistanê tekez kirine.

Gênêral-lêytênant Êdvard Asryan rêça veguherîna hêzên Ermenistanêye raber kirîye û girîngîya hevkarîya Ermenîstan-Hindistanê di sêktora parastinê de di vê pêvajoyê de destnîşan kirîye.