Hêza yekem ya cîhanê dibêje ku Ermenîstan wê 99 salan wek dewleteke serbixwe û serwêr hebe û wê aştîxwaz be: Paşînyan li ser TRIPP ê
Divê em TRIPP ê wek bernameyeke veberhênanê bibînin, ji ber ku ew 8 ê tebaxê daxuyaniyeke sîyasî bûye. Derheqa wê yekêda serokwezîr Nîkol Paşinyan hevpeyvîna bi têlêvîzyona giştî re anîye ziman.
“Dewletên Yekbûyî wê vê çalakîya veberhênanê bi rê ve bibe. Û divê em, tevî ofîsa pêş, ofîsa paşin, fêm bikin û ev bi rastî jî wisa ye, xwesteka veberhêner û hewesa veberhêner ku xizmetên herî bi kalîte û balkêş peyda bikin, da ku bi qasî ku pêkan be mirov jê sûd werbigirin. Ji ber ku em dibêjin ofîsa pêş, ofîsa paşin, lê dibe ku di ofîsa pêş de qet kes tune bin, lê dibe ku zekaya sûnî hebe, dibe ku alavên herî pêşketî hebin û fûnksîyona sereke ya wê ofîsa pêşîn dibe ku xizmetkirina wan alavan be”,- ewî destnîşan kirîye.
Li gorî Nîkol Paşinyan, sîstemên pasaportên bîyomêtrîk li balafirgehên gelek welatên pêşketî û yên di pêşveçûnê de têne dîtin. “Armanca me ew e ku welatiyên Komara Ermenîstanê û welatîyên welatên din yên xwedî pasaportên bîyometrîk raste-rast rêwîtiyê bikin, bêyî rawestan têkevin û derkevin”.
Ewî careke din tekez kirîye ku TRIPP bernameyek veberhênanê ye ku li Komara Ermenîstanê tê bicîh kirin, li Adirbêcanê TRIPP tune ye û ji ber vê yekê ew nikare bêje ka wê li Adirbêcanê çi bibe.
Li gorî peymanê, piştî 50 salan rêjeya faîzê wê biguhere û Komara Ermenîstanê wê jixwe 49 selef hebe. Çima? Ji ber ku hesab wisa ye ku mirov veberhênanê dikin, rast e? Em qala mîlyarada veberhênanan dikin, divê ev veberhênan werin kirîn, û divê qezenc hebe. Niha pirsgirêk ev e ku her veberhêner, û di hemî bernameyên veberhênanê de, di nav de li Ermenistanê jî, dixwaze garantiyên diyarkirî hebin ku ew ê wî pereyî vegerînin, bi qezencek diyarkirî, ji ber ku wekî din çi feydeya veberhênanê heye? Ew ê wê bibin bankê, faîzê têxin nav wê, û wî pereyî paşde bistînin”,- Nîkol Paşinyan tekez kirîye.
Li gorî serokwezîr, di destpêkê de mijara nîqaşan dema TRIPP ê, 99 sal bûye.
“Em difikirîn, me digot, lê 99 sal, me di tîmê de jî bi van hejmaran re hin nerehetî hebû, û di demekê de me X tomar kir, me got, lê niha em ji perspektîfeke cûda li vê mijarê binêrin. Dewletên Yekbûyî ji bo 99 salan, bi kêmanî ji bo 99 salan, bernameyek veberhênanê li Komara Ermenîstanê pêk tîne. Bi gotineke din, hêza yekem ya cîhanê dibêje ku Komara Ermenîstanê wê 99 salan wek dewleteke serbixwe û serwêr hebe, wê aram be, û li wir jîngehek veberhênanê ya normal hebe”.
Serokwezîr tekez kirîye: “Ez li tu serdemekê di dîroka me ya destpêkê de digerim û nabînim ku perspektîfeke 99 salî li pêşiya me hebûya, planeke 99 salî û me ew plana 99 salî nexşe kirîye, me ew bi hêza yekem ya cîhanê re sêwirandîye. Ez dixwazim em bi rastî vê gavê binirxînin. Û ev bi rojeva domdarîya dewletbûna me re têkildar e, ku me di sala 2018an de pejirandîye”.
