Yekîtîya Avropayê amade ye ku di destpêşxerîya “Xaçerêya aşîtîyê” ya Ermenîstanê de veberhênanê bike

Yekîtîya Avropayê bi biryar e ku hevkarîya xwe bi Ermenîstanê re qewîn bike û pabendbûna xwe ya ji bo pêşxistina aşîtî, aramî û hevkarîya herêmî li Başûrê Kafkasîyayê ji nû ve piştrast dike.Derheqa wê yekêda komîsarê kar û barên navxweyî û koçberîyê yê komîsyona avropî Magnûs Brûnêr  hevpeyvîna taybet bi “Armenpress” ê re gotîye.

Brûnêr destnîşan kirîye ku “Serdana min ya yekem ya  li Ermenîstanê ez bawer im ne ya dawî, berîya yekem civîna bilind ya Ermenistan-Yekîtîya Avrrpayê ya ku ji bo gulana sala 2026 a hatîye plankirin tê. Ev yek biryardarîya Yekîtîya Avropayê ya qewînkirina hevkarîya xwe bi Ermenîstanê re destnîşan dike û pabendbûna me ya ji bo pêşxistina aşîtî, aramî û hevkarîya herêmî li Başûrê Kafkasîyayê ji nû ve piştrast dike. Beşeke girîng ya vê yekê pêşketina di pêvajoya aşîtîyê ya di navbera Ermenîstanê û Adirbêcanê de ye.Yekîtîya Avropayê amade ye ku piştgirîya van hewldanan, di nav de bi rêya veberhênanên di pêşxistina ragîhandinên herêmî de, li gorî înîsîyatîva “Xaçerêya aşîtîyê” ya Ermenîstanê, bidomîne”.