Dema ku wana got em çavdêrên Organîzeya Peymana Ewlehkarîya Kolêktîv bişînin, ew li ser avakirina rêjîma desthilatdarîya biyanî li Ermenîstanê bûye: Paşînyan
Serokwezîrê Ermenîstanê Nîkol Paşînyan serokkomarê Ermenîstanêyî duyemîn Robêrt Koçaryan, karsaz û damezrînerê koma hevaltîyên Taşîrê Samvêl Karapêtyan û serokê Partîya Ermenîstanê ya pêşkeftî Gagîk Sarûkyan bi wê yekê tawanbar kirîye ku planên wan hene ku Ermenîstanê veguherînin navendeke leşkerî.
Li gorî ragîhandina “Armenpress”ê, Paşînyan derheqa wê yekêda di dema nîqaşekê de bi endamên partîyê re di gera xwe ya Yêrêvanê de gotîye.
“Kesayetên muxalefeta bihêz li ser rojeva aşîtîyê çi dibêjin? Ev kes behsa ji nû ve danûstandinê dikin, behsa ferzkirina aşîtîyê bi zorê dikin. Ew dibêjin ku ew ê ji bo aşîtîyê ranewestin, ango ew wê aşîtîyê qebûl nakin, ew aşîtîyê ku şer îlonê, bê rewa dikin. Tiştê ku ew dibêjin, ji nû ve danûstandin, wê çênebe ji ber ku rewşa jêopolîtîk ya îroyîn destûrê nade vê yekê. Hûn dikarin xeyal bikin, tevahîya cîhanê radiweste û vê aşîtîyê pêşwazî dike û dû re Ermenîstan ji nişkê ve bi awayekî dibêje, bisekinin, tiştek heye ku em ji nû ve danûstandinê bikin, ne tenê şer e, ew karesatek e. Armanca van kesan, Sarûkyan, Koçaryan, Karapêtyan, here kêm pêşxistina Ermenîstanê ye, ew tewra fêm nakin ku ew dixwazin destpêka dawîya dewletbûna Ermenîstanê nîşan bidin, ku wê bi meha bidome. Hûn bi bîr tînin dema ku wana got em çavdêrên Organîzeya Peymana Ewlehkarîya Kolêktîv bidin nasîn, ew li ser çi bû, ew li ser avakirina rêjîmeke desthilatdarîya biyanî li Ermenîstanê bû? Paşînyan destnîşan kirîye: “Me ew axaftin rawestandîye”.
Ewî zêde kirîye ku encamên hilbijartinên parlamêntîyê yên ku wê 7 ê hezîrana sala 2026 a de bên lidarxistin, wê mirina vegotina hêzên opozîsyon û her weha wan hêzên sîyasî ya li jor behs kirîye tomar bike. “Hilbijartinên 7 ê hezîranê li ser rakirina olîgarxên li Rûsyayê, olîgarxên alîgirê Bêlarûsê, nûneran û her weha li ser xwedîderketina li aşîtîyê ji alîyê gel ve ne. Ez dibînim ku gel berê xwedîderketina li rojevayê aşîtîyê girtîye, ew tenê hewce ne ku 7 ê hezîranê biçin û wê bi awayekî dê yûrê piştrast bikin”,- serokwezîrê Ermenîstanê wiha dawî li axaftina xwe anîye.
Îlona sala 2022 a de, dema ku Adirbêcanê dest bi êrîşeke leşkerî li dijî axên serwêr yên Ermenîstanê kirîye, Ermenîstan wek dewleteke endama Organîzeya Peymana Ewlehkarîya Kolêktîv, serî li wê sazîyê daye û piştgirî xwestîye. Lê belê, bersiva Organîzeya Peymana Ewlehkarîya Kolêktîv di destpêkê de dereng ket û dû re wana pêşnîyar kir ku çavdêrên Organîzeya Peymana Ewlehkarîya Kolêktîv li Ermenîstanê bicîh bikin, ku Ermenîstanê ev yek red kir. Serokwezîrê Ermenîstanê Nîkol Paşînyan dîyar kirîye ku daxwaza Ermenîstanê ew e ku Organîzeya Peymana Ewlehkarîya Kolêktîv pêşî nirxandineke sîyasî ya êrîşkarîya Adirbêcanê bide û dû re gavên guncaw bavêje da ku encamên êrîşkarîyê ji holê rake. Piştra Ermenîstanê jî ragîhandîye ku endametîya xwe di Organîzeya Peymana Ewlehkarîya Kolêktîv de qerimandîye.
