Rayedrên Ermenîstanê, Fransîyaye û Lîtvaye hevkarîya Ermenîstan-Yekîtîya Avropayê û pêşkeftinên herêmî niqaş kirin
14 ê nîsanê li wezîreta Ermenîstanêye karên der civîna sêalî bi beşdarîya cîgirê wezîrê Ermenîstanêyî karên der Vahan Kostanyan, wezîrê Fransîyayêyî kar û barên avropî yê wezîreta Avropayê Bênjamên Hadat û cîgirê wezîra Lîtvayêye karên der Odra Plêpîtê hatîye lidarxistin.
Li gorî ragîhandina “Armenpress” ê, derheqa wê yekêda wezîreta Ermenîstanêye karên der li ser vê yekê daxuyanîyek weşandîye.
Wana li ser mijarên taybetî yên rojeva dualî ya Ermenîstan-Fransîyayê, Ermenîstan-Lîtvayê, têkoşîna li dijî dêzînformasîyonê û her weha hevkarîya di çarçoveya rojeva hevkarîya stratêjîk ya Ermenîstan-Yekîtîya Avropayê rawestîyane. Nûnerên Fransîyayê û Lîtvayê piştgirîya xwe ji bo armancên Ermenîstanê yên avropî ji nû ve destnîşan kirine.
Çarçoveya pêşketinên herêmî de, cîgirê wezîr Kostanyan pêşketinên erênî yên ku li Başûrê Kafkasîyayê di encama peymanên Waşîngtonê de diqewimin, bi îşaret bi pêvajoyên çareserîyê yên Ermenîstan-Tirkîyayê û Ermenîstan-Adirbêcanê kirine, raberî hevpeyivînan kirîye.
