Civîna bilind ya Ermenîstan-Yekîtîya Avropayêye yekem ku li Yêrêvanê hatîye lidarxistin, bi îmzekirina hejmarek belgeyên stratêjîk û destpêşxerîyên nû yên ji bo kûrkirina hevkarîyê, di têkilîyên dualî de gaveke dîrokî avît.
Li gorî ragîhandina “Armenpress” ê, çarçoveya civînê de, belgeya hevkarîya girêdanê ya di navbera Ermenîstanê û Yekîtîya Avropayê de hatîye îmzekirin, her wiha peymana xebatê ya li ser hevkarîya opêrasyonal di warê rêveberîya sînor de di navbera Komara Ermenîstanê û ajansa parastina sînor ya Avropayê de hatîye îmzekirin.
Merasîma îmzekirinê bi beşdarîya serokwezîrê Ermenîstanê Nîkol Paşînyan, serokê Konsêya Avropayê Antonîo Koşta û seroka komîsîyona Avropayê Ûrsûla fon dêr Layênê pêk hatîye.
Belge ji alîyê Ermenîstanê ve ji alîyê cîgirê wezîrê karên der Vahan Kostanyan û ji alîyê Yekîtîya Avropayê rêvebira cîrantîya Rojhilat û Tirkîyayê rêveberîya giştî ya berfirehkirin û sîyaseta cîrantîya Rojhilatê ya Komîsyona Avropayê Adrîên Kîralî ve hatine îmzekirin.
Dema civînê de, Yekîtîya Avropayê her wiha şeş nameyên nîyetê raberî hevaltî û sazîyên sereke yên Ermenîstanê kirîye da ku veberhênanê li Ermenîstanê pêşve bibin.
Herwiha, balyozê Yekîtîya Avropayêyî li Ermenîstanê Vasîlîs Maragos raporta pêşketinê ya Komîsîyona Avropayê ya li ser pêkanîna plana çalakîyê ya lîbêralîzasyona vîzayê radestî wezîra Ermenîstanêye karên hundur kirîye.
Raportê de pêşketina erênî ya gavên ku ji hêla Ermenîstanê ve hatine avîtin tomar bûye û her weha pêşnîyarên ji bo bidestxistina serbestberdana vîzayê ya tevahî di navbera Ermenîstanê û Yekîtîya Avropayê de, hemû şert bên bicîhanîn,raber kirine.
