Wek kanûna sala 1988 a, Fransîya niha jî li kêleka Ermenîstanê ye:Makron spasîya gelê ermenî kirîye

Serokkomarê Fransîyayê Êmanuêl Makron di dema konsêrta bi navê “Pira muzîkê: Ermenîstan-Fransîya” ê de ku li Gumirîyê hatîye lidarxistin, ji gelê ermenî re ji bo pêşwazîya germ spas kirîye. Li gorî ragîhandina “Armenpress” ê, Makron destnîşan kirîye ku kesî karesata ku  kanûna sala 1988 a de qewimîye, dema ku Fransîya li kêleka Ermenîstanê sekinî, ji bîr nekiriye.

“Şapl Aznavûr stran got, Fransîya li hev civîya, 500 yî zêdetir agirvês, leşker hatin alîkariya we û Gumirî ji nû ve ava bû. Em zanin ku we di van salên dawî de hemû zehmetîyên ku derbaz kirine çi ne. Û çawa ku em  kanûna sala 1988 a de li kêleka we bûn, em ê niha jî li kêleka we bin. Spas ji te re Gyûmirî, spas ji te re Ermenîstan, qet ji bîr neke, Fransîya ji te hiz dike. Bijî Ermenistan, bijî Fransîya û bijî Gumirî”,- Makron gotîye.

Serokwezîrê Ermenîstanê Nîkol Paşînyan ragîhandîye ku konsêrta li Gumirîyê çalakîya dawî ye ku di çarçoveya serdana dewletê ya serokkomarê Fransîyayê de tê lidarxistin.

Paşînyan gotîye: “Pêşwazî ewqas germ bû ku serok Makron nikarîbû xeyal bike ku bêyî silavkirina we hemûyan biçe. Bi navê xwe, ez dixwazim ji bo pêşwazîya germ spasîya we bikim.