Zanyarê sîyasî Mîkael Zolyan bawer dike ku têkoşîna li qada sîyasî ya Ermenîstanê di du alîyên sereke de diçe: ku Ermenîstan xwe bispêre çevkanîyên xwe û li benda destwerdana “birayê mezin” ê derveyî be.Ewî destnîşan kirîye ku hêzên alîgirê Rûsyayê şanseke rastîn ya hatina ser desthilatê nînin û armanca rast ya Kremlê ew e ku li Ermenîstanê qadeke muxalefetê ya bihêz ava bike ku berjewendîyên wê biparêze.
Li gorî zanyarê sîyasî, pirsgirêka sereke ya hêzên alîgirê Rûsyayê ew e ku wêneya Rûsyayê di civaka Ermenîstanê de dest pê kiriye ku wek kolonya bê dîtin.
Li gorî Zolyan, Krêml fêm dike ku hatina hêzên alîgirê Rûsîyayê niha ne realîst e û armancên rastîn cuda ne.
Ya yekem, xwedîbûna cihekî di parlamêntoyê de: “Ya yekem, ji bo van hêzan realîst e ku bikevin parlemêntê û li wir, wekî ku tê gotin, beşek muxalefetê ya cidî biefirînin ku wê berjewendîyên Rûsyayê biparêze”.
Ya duyemîn, ji bo derxistina hêzên proavropî: “Armanc ew e ku pêşî li hêzên proavropî yên zêdetir bê girtin ku bikevin parlamêntê, ku wê ji alîyê dijber ve rexneyê li Paşinyan bike.
Ya sêyemîn, ji bo rewakirina darbeyek muhtemel: “Heger di pêşerojê de ew hewil bidin ku darbeyek nû bikin, çi bi rêya tevgereke kolanan be yan jî bi rêya leşkerî be, pir girîng e ku di parlamêntê de hêzên prorûsîyayê hebin ku wê hewil bidin ku darbeyên weha rewa bikin”.
Ya çaremîn, ji bo gumanbarkirina rewatîya hilbijartinan: “Krêml dibe ku hewil bide ku rewatîya hilbijartinan bipirse da ku hukumeta Ermenîstanê qels bike û pozîsîyona Ermenîstanê di têkiliyên dualî de qels bike”.
