Girîngîya Ermenîstanê wek korîdoreke hewavanîyê bi awayekî berbiçev zêde bûye: Forbes.kz
11 ê adara sala 2026 a, Turkish Airlines rêya Stembol-Yêrêvanê vekir. Li gorî Teniz Capital Investment Banking ê, ev bûyer ji çarçoveya geşteke bazirganî ya birêkûpêk wêdetir diçe. Ermenîstan bi yek ji navendên hewayî yên here mezin yên cîhanê ve girêdayî ye û qada hewayî ya wê dibe beşek ji rêya derbazbûna bakûr ji bo hilgirên ku neçar in rîskên Rojhilata Navîn, lêçûnên sotemenîyê û aramîya bernameyê ji nû ve hesab bikin. Forbes.kz li ser vê yekê dinivîse:
Mantîqa bingehîn li vir hêsan e: hewavanî her gav li cîhên ku xetere kêm e û pêşbînîkirin zêde ye difire. Piştî alozbûna rewşa li dora Îranê, rêkxerê avropî EASA byûlêtêna herêma pevçûyînê ji bo qada hewayî ya Rojhilata Navîn û devtenga Farisa dirêj kirîye.Çapa heyî ya EASA heta 1 ê gulana sala 2026 a derbazdar bûye û pêşnîyara dûrketina ji qada hewayî ya Bahrêynê, Têhranê, Bexdayê, Têl Avîvê, Kûvêytê, Bêyrûtê, Maskatê, Dohayê û Cîdayê, bi îstîsnayên ferdî, parastîye.
Ermenîstan bazareke biçûk e, lê di şert û mercên heyî de girîngîya wê ji mezinahîya welêt pir zêdetir bûye.Teniz Capital balê dikişîne ser vê rastîyê ku herikîna gerdûnî ji Avropayê ber bi Asyayê ve di rastîyê de di du herêman de hatîye tengkirin: ya bakûr di nav Tirkîyayê, Kafkasîya Başûr û Afganistanê re û ya başûr di nav Misirê, Erebistana Saûdîyê û Omanê re. Hewaya Rûsyayê ji sala 2022 a vir ve ji bo piranîya hilgirên avropî û amêrîkî girtî ye û rêyên navendî yên di nav Rojhilata Navîn re bi sînorkirin dixebitin.
Bandora aborî li ser Ermenîstanê sê tebeqe hene.
Ya yekem raste-rast e: ev xercên balafirgehê, xercên tranzîtê, trafîka barhilgir û xizmetên hewavanîyê ne. Sala 2025 a de, balafirgeha “Zvartnos” ê xizmetek rêkord ji 5 mîlyon 615 789 rêwîyan re kirîye. Trafîka barhilgir gihîştîye 42 679 tonn, li gorî 23 340 tonn di sala 2022 a de. Ew îdî ne balafirgeheke herêmî ya biçûk e, lê navendeke binesazîyê ya mezin dibe.
Qata duyem neraste-rast e: geştîyarî, otêl, veguhastin, xwaringeh, seferên karsazîyê, dîaspora.Sala 2024 a de, Ermenîstanê mazûvanîya 2.2 mîlyon mêvanên navneteweyî kirîye, ku ev hejmar ji 2.3 mîlyon mêvanên navneteweyî yên sala 2023 a zêdetir bûye.Tê texmînkirin ku nirxa bazara geştîyarîyê û seferê ya Ermenîstanê sala 2025 a de bi qasî 288 mîlyon dolar be û rêjeya mezinbûna salane ya texmînkirî heta sala 2030 î 7.4 selef be.
Qata sêyem: 16 ê çileya sala 2026 a, Fitch pêşbînîya Ermenîstanê ji “stabîl” guhêrandîye “erênî” bi nirxandina BB ê, bi zêdebûna 38 selef ya rêzêrvên navneteweyî bo 5.5 mîlyard dolarî, mezinbûna aborî ya sabît û normalîzekirina têkilîyên bi Adirbêcanê re bi navbeynkariya Amêrîkayê ve girêdaye.
