Li gorî seroka navenda analîtîk ya “Mîtk” ê, pispora sîyasî Lîlît Dalakyanê, pêşnîyara serokê Rûsyayê Vladîmîr Pûtîn ya ji bo lidarxistina rêfêrandûma li Ermenîstanê li ser mayîna di Yekîtîya Avrasîyayêye Êkonomîkî de yan jî tevlîbûna Yekîtîya Avropayê, armanc ew e ku rewşa sîyasî ya navxweyî aloz bike û rojeveke çêkirî biefirîne da ku Ermenîstanê bixe rewşeke dijwar. Di hevpeyvîna bi Factor TV ê re, Dallakyanê rêtorîka Krêmlê, armancên wê yên rast û pirsgirêkên ku Ermenîstan pê re rû bi rû ye analîz kirîye
Dallakyanê behsa daxuyanîya Pûtîn dike û destnîşan dike ku ev yek rewşa Krêmlê ya bi fikar nîşan dide. “Berî her tiştî, ev rastî nîşan dide ku serokê Rûsyayê ji xwe di nav krîza bi fikar de ye û bi rastî jî, bi eşkereyî li ser mijarekê diaxive ku bi rastî jî divê gelê ermenî biryarê bide. Û rayedarên ermenî gelek caran dîyar kirine ku ew niha di wê rêyê de naçin”,- ew dibêje.
Li gorî zanyarê sîyasî, armanca Rûsîyayê eşkere ye: “Rûsya dixwaze rewşa li Ermenîstanê aloz bike, hestên dijî hukumetê biefirîne, da ku nîşan bide ku divê hûn niha biryar bidin. Heger em niha biryar bidin, dibe ku xelk bifikirin, base perçeyek ji Larsa Jorîn li cem me ye û heger ew li vir ajîtasyonê bikin, hûn dizanin, di mehekê de aborî wê bi pirsgirêkên cidî re rû bi rû bimîne. Eşkere ye ku beşek girîng ya nifûsê, ji modêla Rûsyayê hez nakin, Yekîtîya Avrasîyayêye Êkonomîkî qebûl nakin, li ser nanê xwe yê rojane difikirin, wê bêjin ku em, bo nimûne, dengê xwe didin Yekîtîya Avrasîyayêye Êkonomîkî”.
Li gorî Lîlît Dallakyanê, rojeva întêgrasîyona avropî ji bo Ermenîstanê bûye pêdivîyeke girîng, nemaze piştî şerê 2020 î.
“Pêşî, di rastîyên nû yên piştî sala 2020 î de em hewceyê wê ne. Û ji hêla aborî ve, em bi giranî ji hêla aborîyê ve di bin gefê de ne. Ya duyemîn, Yekîtîya Avropayê, bi saya Vladîmîr Pûtîn, ji avahîyek aborî vediguhere avahîyeke jixwe leşkerî. Komîsara avropîye parastinê heye, ew bi lez xwe çekdar dikin. Bi gotineke din, Yekîtîya Avropayê ji avahîyeke aborî vediguhêre avahîyek jêopolîtîk û leşkerî”.
Zanyarê sîyasî piştrast e ku divê Ermenîstan bibe mijarek û nehêle ku axa wê bibe cîhekî ji bo hesabpirsînê di navbera hêzên sûpêr de. Lê belê, ji bo vê yekê, pêdivî ye ku hin “kar û barên malê” yên navxweyî bên kirin.
“Ji bo ku nebe sehneyek, berî her tiştî pêdîvî ye ku qada sîyasî ji ajanên bêguneh, ez ê vê peyvê bikar bînim, ji partîyên ku ji hêla Rûsyayê ve têne fînansekirin bên paqij kirin. Ya duyemîn, ew sîyasetmedarên ku beşdarî sextekarîya hilbijartinê bûne. Heger ev neyê kirin, ez nikarim Vladîmîr Pûtîn bi tiştekî sûcdar bikim. Ew ê her tiştê ku heye bikar bîne”.
