Di nav çalakiyên Amêrîkayê de, Avropa jî heyîna xwe li Ermenîstanê zêde dike: Forbes
Forbes ê ragîhandîye ku Ermenîstan dibe navendeke jêopolîtîk ya biçûk lê bihêz, bi stratêjîkî nêzîkî Îranê û Tirkyayê ye û xwedan aborîyeke nûjeye ku naha wê ji hêla navendeke daneyan ya 500 mîlyon dolarî ve ku ji çîpên Nvidia ve tê xebitandin, bê hêzdar kirin.
“Hukumeta Dewletên Amêrîkayêye Yekbûyî vê dawîyê bicîhkirina van çîpan li navendeke daneyan ya ku wê ji hêla hevparîya ermenî-amêrîkî Firebird.AI ve bê xebitandin, pejirandîye”.
Ermenîstan mînakeke geş e ku nîşan dide ka karsazî û hukumet çawa di pergala nû ya cîhanê de li hev tên.Hevaltî sermaya têknolojî, dîplomasî û heta ewlehîyê bikar tînin da ku encamên civakî yên ku ji bo hukumetên kevneşopî negihîştî ne, şekil bidin. Ermenîstan mînakeke geş ya vê meylê ye. Karsazên dîyasporayê wek pêşdabirên aborî yên dê fakto, şêwirmendên stratêjîk û katalîzatorên nûjenîyê kar dikin.
Piştî reva ji qirkirina sala 1915 a, dîyaspora ermenîya li seranserê cîhanê belav bû.Sedsalekê zêdetire, gelek zarokên malbatên dîyasporayê bi bawerîya ku divê ew beşdarî vejandina welatê xwe bibin û dewlemendîya wê mîsoger bikin, mezin bûne.
Her çiqas Dewletên Amêrîkayêye Yekbûyî bi rêya civaka karsazîyê û kontrola xwe ya li ser lîsênzên hinardekirina mîkroçîpan bandora xwe ya stratêjîk berdewam dike, Avropa Rojavayê jî bi rêya hêza nerm hebûna xwe li Ermenîstanê zêde dike. Yekîtîya Avropayê li Ermenîstanê înîsîyatîvên avakirina êkosîstêmê yên hedefgirtî dane destpêkirin, ku balê dikişînin ser pêşkeftina perwerdehîyê, înkûbasîyona destpêkan û piştgirîya rêziknameyî. Her çiqas Dewletên Yekbûyî bi kevneşopî pêşengîya pêşkeftina êkosîstêma karsazîyê ya gerdûnî kirîye jî, Avropa bi rêya alîkarî û întêgrasîyonê di bazarên avropî de piştgirîyê dide karsazên ermenî.
Forbes dinivîse:”Ciwanên ermenî ji bo xwendina bilind û derfetên girêdana bi torên têknolojîyê yên navneteweyî û her weha ji bo bicihanîna soza xwe ya beşdarbûna di pêşkeftina Ermenîstanê de, her ku diçe zêdetir berê xwe didin Avropayê”.
