Sêrvîsa îstîxbarata der di hilbijartinên Ermenîstanê yên pêşerojê de xetereya destwerdana bîyanî dibîne
Sêrvîsa îstixbarata der, di daxuyanîyekê de ku 10 ê adara sala 2026 a de ji “Armenpress” ê re hatîye dayîn, agahî belav kirîye ku “bi navê sêrvîsên taybet yên welatekî dîyarkirî li welatekî din tevdigerin, aktorên cûre-cûre hewil didin ku zextê li ser kesên bi esilê xwe ermenî û welatîyên Komara Ermenîstanê bikin ku li wî welatî çalakîyên aborî dikin û van kesan teşwîq dikin ku çalakîyên piştgirîyê bidin hin hêzên sîyasî yên ku serlêdanên beşdarbûna hilbijartinên parlamêntîyê yên pêşerojê li Ermenîstanê raber kirine, pêk bînin”.
Di heman rojê de, polîsê wezîreta karên navxweyî ragîhandîye ku li ser bingeha daxuyanîya ku ji hêla sêrvîsa îstîxbarata der ve hatîye dayîn, raporek ji komîtêya lêpirsînê ya Komara Ermenîstanê re hatîye şandin, ku di encamê de dest bi lêpirsîna cezayî kirîye.
Ev mijar bûye yek ji mijarên herî girîng di bala raya giştî de û hêzên sîyasî yên cuda agahî bi awayên cuda şîrove kirine.
“Armenpress” berbirî sêrvîsa îstîxbarata der bûye, ji bo zelalkirina hûrgulîyên nû çend pirs pirsîne.
-Daxuyanîya we ya 10 ê adarê tu hûrgilî tê de tunebûn, lê di nav raya giştî de li ser gelek alîyan niqaşên germ derxiste holê. Nêrîn û nirxandin cîhêreng bûne, lê nêzîkatîya serdest ew bûye ku daxuyanîya îstîxbaratê zelal be da ku mirov bikaribin xwe nas bikin, û daxuyanîyên bi vî rengî nebin sedema tirsê.
-Nebûna hûrgilîyên ku di weşanên sêrvîsên îstîxbaratê de tîpîk in, wek qaîdeyek, ji ber pêşînîya parastina çalakî, çavkanî û rêbazên wan e. Lê belê, ev nayê wê wateyê ku agahdarîya opêrasyonal ya zelal ji sazîyên bicîhanîna qanûnê yên pispor yên Komara Ermenîstanê re nehatîye şandin û nayê şandin. Ev yek di daxuyaniyên ku him polîsê wezîreta karên navxweyî ya Komara Ermenîstanê û hem jî komîtêya lêpirsînê ya Komara Ermenîstanê dane de jî tê îzbatkirin.
Derbarê îdîayên li ser alarmê de, armanca xizmetê ew e ku hemwelatîyên me li ser pêvajoyên bi vî rengî yên ku dişibin neqanûnî agahdar bike. Xizmet, di çarçoveya desthilatên ku ji hêla qanûnê ve hatine dayîn, ji bo pêşîgirtina li gefên derveyî yên li dijî Komara Ermenîstanê û welatîyên wê û ji bo bersivdayîna li wan, çalakîyan pêk tîne û divê ev daxuyanî wek yek ji wan çalakîyan bê fêmkirin. Ji ber vê yekê, dibe ku derdorên ku çalakîyên bi vî rengî yên ku dişibin neqanûnî pêk tînin alarmê bidin.
-Ji ber ku di daxuyanîyê de tê gotin ku zext li ser welatîyên Komara Ermenîstanê tê kirin da ku piştgirîyê bidin hin hêzên sîyasî, em ji we jî dixwazin ku hûn zelal bikin ku hûn bi taybetî behsa kîjan hêzan dikin, ji ber ku opozîsyon daxuyanîyê wek qaşo “amadekirina zemînê ji bo çalakîyên li dijî opozîsyonê” yan “hewldana peydakirina avantajek ji bo hêza desthilatdar” şîrove dike.
-Erka xizmetê bi qanûnê tê destnîşankirin, ku parastina takekesî, civakê û dewletê ji gefên derve û berhevkirin û hilgirtina agahîyan ji bo vê armancê dihewîne. Ji ber vê yekê, erkê xizmetê bi hevrêzîya hêzên sîyasî yan jî daxwazên van hêzan, ne yên desthilatdar û ne jî yên muxalefetê ve nayê şert û merckirin yan jî sînordarkirin. Li gorî agahîyan, zext bi armanca mîsogerkirina piştgirîyê ji bo hin hêzên muxalefetê ne.
-Li ser bingeha daxuyanîya we, komîtêya lêpirsînê dozên cezayî dest pê kirîye, ku tê de dîyar kirîye ku nûnerên hêzên sîyasî yên cûre-cûre, karsazên mezin û rayedarên cezayî li ser navê xizmetên taybet yên wî welatî zextê li welatîyên Komara Ermenîstanê dikin. Gelo komîtêya lêpirsînê daneyên li ser vê yekê hene ka xizmetên taybet yên wî welatî di vê pêvajoyê de beşdar in yan na? Ma em dikarin bibêjin ku di vê rewşê de em bi xetera destwerdana derve di hilbijartinên pêşerojê yên Komara Ermenîstanê de jî mijûl dibin?
-Agahîyên hatine wergirtin nîşan didin ku ev kiryar xetereya destwerdana der di hilbijartinên dêmokratîk yên pêşerojê yên li welatê me de çêdikin.
-Ez dixwazim ji we bipirsim ku hûn agahdarî bidin ka sêrvîsa îstîxbarata der ji dema daxuyanîyê ve çi kar kirîye û çi hûrgulîyên nû hatine zanîn.
-Xizmet di çarçoveya desthilatên xwe de ji bo çareserkirina pirsgirêkên ku bi qanûnê li ber wê hatine danîn, tedbîrên xwe digire û bê guman, bi hemî dezgehên dewletê yên Komara Ermenîstanê re hevkarîyê dike.
