Makron biryardariya Fransîyayê ya ji bo piştgiriya yekitiya axa Ermenîstanê dubare dike
Serokkomarê Fransîyayê Emanuel Makron biryardariya Fransîyayê ya ji bo piştgirîkirina yekparçeyiya erdî û serwêriya Ermenîstanê dubare kir. Di daxuyaniya çapemeniyê ya qesira Yêlîsêyê de ku piştî hevdîtina Makron û serokwezîrê Ermenîstanê Nîkol Paşînyan hat belavkirin, ev yek hat diyarkirin.
“Serokkomar di çarçoveya civîna zîrweya îstixbarata hunerî ya ku 10 e sibata sala 2025 a hat lidarxistin li qesira Yêlîsêyê rastî serokwezîrê Ermenîstanê Nîkol Paşînyan hatîye.
Serokê dewletê serî de spasiya serokwezîrê Ermenîstanê kir ku beşdarî civîna zîrveya zanyarî ya hunerî bû, ku lihevhatina nêrînên Ermenîstan û Yekîtîya Avropayê li ser mijarên nûjenî û têknolojiyên nû nîşan dide. Serokên her du welatan li ser berdewamiya pêşxistina projeyên hevkariyê di navbera Fransîyayê û Ermenîstanê de bi taybetî di warên ênêrjî, berevanî û veguhestinê de li hev kirin.
Piştre serokên her du welatan rewşa navçeyê gotûbêj kirin. Serokê dewletê piştgiriya tam ya Fransîyayê ji bo asayîkirina peywendiyên navbera Ermenîstan û Adirbêcanê û herwiha îmzekirina peymana aştiyê li gorî yasayên navneteweyî piştrast kir. Her wiha biryardariya Fransîyayê ya ji bo piştgirîkirina yekparçeyiya axa Ermenîstanê û serwêriya Ermenîstanê û her wiha daxwaza gelê ermenî ya ji bo aşîtî, ewlekarî û dêmokrasiyê dupat kir.
Serokê Komarê û serokwezîrê Ermenîstanê li ser amadekariyên COP17 yên li ser pirrengiya biyolojîk, ku wê Ermenîstan dê sala 2026 a de mêvandariya wê bike, gotûbêj kirin. Qesira Yêlîsêyê di daxuyaniya xwe de gotîye: “Serokê dewletê diyar kir ku Fransîya bi tevahî amade ye ku piştgiriyê bide Ermenîstanê ku ji bo COP17 amade bike”.
