Yekem civîna koma xebatê ya Ermenîstan-Amerîkayê pêk hatîye
17 ê kanûna pêşin ya sala 2025 a, civîna yekem ya koma xebatê ya Ermenîstan-Dewletên Amêrîkayêye Yekbûyî li ser bicîhanîna peymanên ku di çarçoveya civîna aşîtîyê ya Waşîngtonê de hatine bidestxistin, pêk hatîye, ku armanca wê kûrkirina hevkarîya stratêjîk û bicîhanîna bi bandor ya mêmorandûmên têgihîştinê bûye. Derheqa wê yekêda ji wezîreta Ermenîstanêye karên der ragîhandine.
“Cîgirê wezîrê Ermenîstanêyî karên der Vahan Kostanyan û cîgira alîkara wezîrê Amêrîkayêye karên der Sonata Koûltêrê bi axaftina vekirinêva pêşda hatine û tê de wana hevkarîya stratêjîk ya Ermenîstan-Dewletên Amêrîkayêye Yekbûyî ku bi awayekî çalak pêş dikeve, pir pesin kirine.
Cîgirê wezîr Kostanyan piştgirîya girîng ya Amêrîkayê ji bo avakirina aşîtîyê li Başûrê Kafkasîyayê destnîşan kirîye û eleqeya alîyê Ermenîstanê ji bo xebata çalak ya ji bo pêkanîna mêmorandûmên têgihîştinê yên Ermenîstan-Dewletên Yekbûyî yên li ser hevkarîya di qada pêşxistina kapasîteyê ya projeya “Xaçerêya aşîtîyê”, hevkarîya nûjen di qada zekaya sûnî û nîvkondûktoran de, û hevkarîya di qada ewlekarîya ênêrjîyê de, ku 8 ê tebaxa sala 2025 a hatine îmzekirin, ji nû ve destnîşan kirîye.
Di daxuyanîyê de hatîye gotin ku her du alîyan gavên girîng yên ji bo pêkanîna mêmorandûmên têgihîştinê avîtine û agahî li ser pêşketinên hatine bidestxistin raber kirine.Lihevkirinek hatîye kirin ku di demek herî kurt de nîqaşên di asta pisporan de ji bo pêkanîna peymanên taybetî yên hatine bidestxistin bidomînin.
