Nasnameya kesê ku kuştina serokwezîrê Ermenîstanê plan kiribû eşkere bûye

Encama lêkolînên berfireh yên delîlî û çalakîyên din yên prosêdûrî ​​de, di nav de gelek lêgerîn û nêzîkî du deh lêpirsîn, ku di dema lêpirsîna destpêkê ya doza cezayî de ku ji hêla daîreya lêpirsînê ya Yêrêvanê ya Komîtêya lêpirsînê ya Komara Ermenîstanê ve tê lêkolînkirin, nasnameya yek ji kesên ku kuştina serokwezîrê Komara Ermenîstanê amade kirine, hatîye eşkerekirin.

“Bi taybetî, daneyên rast hatine bidestxistin ku M.M. ku ji sala 2024 a vir ve li welatekî bîyanî dijî, di gel herî kêm 4 kesên din, di têkilîya bi pêkanîna çalakîyên sîyasî û dewletê yên serokwezîrê Komara Ermenîstanê re, bi nîyeta bêhiqûqî ji jîyana wî bêpar hiştinê, derfet û şert efirandine, bi taybetî wan cil û maske bi dest xistine da ku nasnameya xwe veşêrin  û her weha agahdarî li ser cîh û rêyên kampanya serokwezîrê Komara Ermenîstanê berhev kirine, bi vî rengî kuştin amade kirine, piştî ku, cil û maskeyên jorîn li xwe kirine, peyamek vîdyoyî tomar kirine û belav kirine ku ji serokwezîrê Komara Ermenîstanê re hatîye şandin, di dema ku wana gef lê xwarine”.

Herwiha,  16 ê gulana 2026 a de, kesan daneyên (vîdyo) yên ku di sîstema malperekê de hatine hilanîn ku ne ji bo karanîna giştî hatine armanckirin, desteser kirine, bi karanîna amûrên ragîhandinê yên kompyûtêrê zindî hatine şandin û peyama vîdyoyê weşandine, bi vî awayî kampanya hilbijartinê ya berîya hilbijartinên parlamenta komara gel ya Ermenîstane ku wê  7 ê hezîrana sala 2026 a   bên lidarxistin asteng kirine.

Li gorî bendên 1 ê û 8 a yên beşa 2 a ya madeya 43-155 a qanûna cezayê (amadekirina kuştinê ji alîyê komek kesan ve di têkilîyê de bi pêkanîna çalakîyên dewletê yan sîyasî ji alîyê wî kesî ve) û bendên 2 a  û 5 a yên beşa 2 a ya madeya 211 a (astengkirina propaganda ji alîyê kome kesan ve bi awayekî din) doz li M.M. hatîye vekirin.

Ji bo M.M. fermana girtinê hatîye dayîn.

Komîtêya lêpirsînê ya Komara Ermenîstanê ragîhandîye ku li ser vîdyoyeke ku gef û heqaretên li dijî serokwezîr Nîkol Paşînyan dihewîne, lêpirsîna cezayî dest pê kirîye.

Li gorî komîtêya lêpirsînê, lêpirsîneke destpêkê li ser dozên komek kesan ku amadekarîya kuştinê dikin, sabotajkirina kompyûterê dikin û bazirganîya neqanûnî ya çek û cebilxaneyan dikin, tê meşandin.

Vîdyoyekê de ku  18 ê gulanê  li ser întêrnêtê hatîye weşandin, komek kesên rûpoş û çekdar gef li serokwezîr xwarine û çêr li wî kirine.