Serokê Polonyayê li Ermenîstanê ye
Serokkomarê Polonyayê gihîşte Ermenîstanê.Li gorî nûçeya “Armênprêss” ê, balafira serokkomarê Polonyayê Ancêy Dûda li balafirgeha Zvartnosê daket û ji alîyê wezîrê karûbarên civakî yê Ermenîstanê Narêk Mkrtçyanva hatîye pêşwazîkirin. Alîkarê şaredarê Yêrêvanê Armên Pambûxçyan, alîkarê wezîrê karên der Parûyr Hovhannîsyan û balyozê Ermenîstanêyî li Polonyayê Alêksandr Arzûmanyan ew pêşwazî kirine.
Di çarçoveya seredanêda serokkomarê Polonyayê wê bi serokkomarê Ermenîstanê Vahagin Xaçatûryanra sohbeteke taybet bike û piştra jî di navbera şandeyanda danûstandinên berfireh wê bên kirin.
Di malpera fermî ya serokkomarîya Polonyayêda hatîye gotin: “Serokê Polonyayê wê rastî serokwezîrê Ermenîstanê Nîkol Paşînyan û serokê parlamêntê Alên Sîmonyan jî bê”,-malpera fermîda hatîye gotinê.
Li gorî raporê, îro serokkomarê Polonyayê ji bo rêzgirtina bîranîna qurbanîyên bêguneh yên komkujîya Ermenîyan seredana Sîsêrnakaberdê kirîye.
27 ê mijdarê dêlêgasîya bi serokatîya serokkomarê Polonyayê ji bo tevlî dewrîyaya hevpar ya li Ermenîstanê ya bi çavdêrîya Yekîtîya Avropayêra bibe, wê serdana civaka Yêrasxê bike.
