Hêzên Sûrîya Dêmokratîk e’lam kirine,wekî êrîşa t’irkaye li ser R’as Al Aynê paşda dane, ya ku bi eskerê t’irka û t’ifaqdarên wane îslamîstên li Sûrîyaê hatîye mîyaserkirinê, yên ku cêr’ibandine bik’evine bajêr’.Usa jî hatîye r’agîhandinê,wekî T’irk’îya r’êjîma agirbestê li bakûr-r’ohilatê Sûrîyaê xweyî nake û h’etanî niha jî berbi k’urda agir dibarînin. K’urdar’a li hev hatîye sê avtomaşînên t’irkaye leşkerî bişewitînin, lê nêzîkî R’as Al Aynê jî sê ç’ekdarên îslamîst hatine kuştinê. Qewatên t’irka û ç’ekdarên îslamîst cêr’ibandine li K’obanê û Girê sipî çend gunda hildin bin kontrola xwe, lê qewatên k’urdar’a li hev hatîye wana bidine sekinandinê.Wextê wê p’evçûyînê, cêrge ç’ekdarên îslamîst hatine kuştinê û sê avtomaşînên zirih’kirî hatine şewitandinê.Hatîye r’agîhandinê,wekî nava wan p’evçûyînada 15 şer’k’arên k’urd şih’îd k’etine.
