Fermandarê pêşmerga e’şaretîyê dide,wekî DAÎŞ careke mayîn dikare pêşda bê, çimkî koalîsîyona bi serk’arîya ŞAY opêrasîyonên dijî DAÎŞ-ê li Îraqê û K’urdistanê dane sekinandinê. Koalîsîyonê opêrasîyonên xwe piştî sertbûna h’alê di navbera Waşîngtonê û T’êhranê dane sekinandinê. Fermandarê pêşmergayî li neh’îya Mexmûrê Zîrîyan Şêx Vasanî wextê hevp’eyvîna t’evî Bas Nyûsê gotîye,wekî r’ûê sekinandina opêrasyîonên koalîsîyonêda h’eja DAÎŞ-êye li wan neh’îya, yên ku ne bin kontrola pêşmergadanin, aktîv bûye. Ewî usa jî îzbat kirîye,wekî ew neh’yî nikarin bêne p’arastinê, eger pêşmerge paşda veneger’ine li wandera.Em bêjin, wekî sala 2O17-a, piştî r’êfêrêndûma bona serbestîyê, eskerê Îraqê û r’ezedilvanên H’eşid Aş Şaabîyê neh’îyên hevr’aqayîlnekirî zeft kirin û mecbûr kirin, ku pêşmerge ji wan neh’îya derk’efin.
