Fermandarîya Îraqêye opêratîv derbên T’irk’îyayêye avîyasîyon, yên li ser t’abîyên PKK-ye li K’urdistana Îraqê gunek’ar kirîye. Teyarên t’irkaye leşkerî, opêrasîyona avîyasîyone berfire mîyaer kirine bona ku derba bighînine t’abîyên PKK-ye li Sincarê, Akrê, Qendîlê û qamp’a mihaciraye li Maxmûrê.H’etanî niha t’enê derheqa birîndarbûna sê merivda hatîye gotinê. Fermandarîya Îraqê e’lam kirîye,wekî ew yazixîyê e’lam dikin, ku teyarên t’irka k’etine têrîtorîya Îraqêye hewê û ew cî dane ber bomba.Fermandarîyê ew opêrasîyon çawa derbên provokasîyon nav kirine û t’er’ibandina sînorê Îraqêyî hewê ne anegorî prînsîpên navnet’ewî û dewletên cîanre.Hatîye gotinê,wekî bi wê yekê T’irk’îyayê serbixwetîya dewleta Îraqê t’er’ibandîye. Îraqê bangî T’irk’îyayê kirîye, ku ji t’er’ibandinên wî cûr’eyî paşda bisekinin û t’evî Îraqê bêqezîyabûna sînora bidine koordînasîyakirinê.
