Serokên Tirkîyayê û Adirbêcanê îdî gelekî baş fem dikin ku êskalasîya nû dikare çi biha bibe. Derheqa wê yekêda, li ûnîvêrsîtêta Yêrêvanêye dewletê, xebatkarê înstîtûta Moskvayêye heleqetîyên navnetewî, serokê laboratorîya şuxulkarîyên sîyasî, Nîkolay Sîlayêv gotîye.
Bi gotina wî, heleqetîyên başe tevî Rûsîyayê çawa bona Tirkîyayê, usa jî bona Adirbêcanê girîngin, nenihêrî wê yekê wekî ew li Qerebagê gihîştine açixîya, lê tabîya Bekûêye sîyasîya der hê ji ya baş dûrtire.
“Heleqetîyên Bekûêye baş tevî welatên Yekîtîya Avropayê tunene, bi taybetî piştî “skandala xavyarê” û cêrge menîyên başqe”,- Sîlayêv gotîye.
Sîyasetmedarê rûs daye dîyarkirinê, wekî roja îroyîn gelek tişt wê yekêva girêdayîne ku Ermenîstanê çawa bersiva wê pirsê bide ku bona çi Rûsîya Ermenîstanêra pêwîste û gelo hêjaye tevî wê tifaqa dualî bidine qewînkirinê.
