Merkeza prêssayê, ya Hêzên Sûrîya Dêmokratîk elametî derheqa wê yekêda belav kirîye ku Tirkîyayê çawa nehîyên okûpasîyakirî werguhêzî zona xirabkarîyên organîzeyên têrorîstî kirîye.Nava elametîyêda hatîye dîyarkirinê,wekî komên çekdarên têrorîstaye cuda-cuda li gundên Efrînê û li dor-bera cîhwar bûne.Hatîye gotinê, wekî ji 3OO î zêdetir çekdarên kirêkirî li gundên başûrê Efrînê cîhwar bûne. Ev yek nava encamên hevdîtina lîdêrên komên piştgirên Tirkîyayê hatîye teşkîlkirinê.
Nava elametîyêda usa jî hatîye dîyarkirinê, wekî tunekirina lîdêrên DAÎŞ-ê, yên mînanî Ebûbekir Al Bexdadî û Ebû Îbrahîm Al Kûraîşî li nehîyên ji alîyê Tirkîyayêda okûpasîyakirî û hazirîya cêrge komên têrorîst, yên li ser têrîtorîya Sûrîyayê derheqa wê yekêda dibêjin, wekî Tirkîyayê nehîyên okûpasîyakirî werguhêzî zona usa kirine, ku sîstêmên têrorîstî qewînbin. HSD ê daye dîyarkirinê, wekî civaka navnetewî gerekê vê pêvajoyê bibe bona ku fînansekirina wan koma, hînkirina wan bê sekinandnê, çimkî wan çekdara dikarin ji Sûrîyayê der jî bidine xebatê.
