Bawerîya bi Pûtîn li welatên “dost” daket asta herî kêm ya çend salan
Gotinên Vladîmîr Pûtîn yên li dijî rojavayî û bang li welatên li başûrê cîhanê kir ku bi hev re cîhaneke “pirpolar” ava bikin, di nav niştecîhên welatên ku Krêml jê re dibêje “dost” dernakeve.
Li welatên Amêrîkaya Latînî û herwiha li welatên sereke yên wek hevkarên bazirganîyê yên Rûsîyayê, Hindistanê û Tirkîyayê, li gorî lêkolîneke navenda lêkolînê, asta bawerîya welatîyan bi serokê Rûsyayê sala 2024 a de kêm bû.
Li Hindistanê, ku Krêml jê re “hevkarê stratejîk” bi nav dike, 39 selef ji welatîyan bawer dikin ku Pûtîn dikare di têkilîyên navneteweyî de tiştê rast bike. Rêjeya pêbawerîya serokê Rûsîyayê li gorî lêkolîna berê 3 selef kêm bûye û rêjeya niha ya herî nizim e ji sala 2017 a vir ve.
Asta bawerîya bi Pûtîn ya li Tirkîyayê jî, ku serokkomar bi xwe weke “hevkarê herî pêbawer yê Rûsîyayê” bi nav kir, daket asta herî kêm ya 7 salên dawî. Ji 29 selefê welatîyên Tirkîyayê Pûtîn kar û barên navneteweyî de pêbawer dîtin.
Pûtîn li Amêrîkaya Latînî rastî karesateke giştî ya PR ê hat, ku wî gazî şerkirina li dijî “kolonyalîzma” rojava kir, kevneşopîyên Sîmon Bolîvar bi bîr xist. Li Brazîlyayê û Çîlîyê, asta bawerîya bi Pûtîn ji sala 2007 a û vir ve daket asta herî nizm, ji 10 selef û ji 12 selef.
Li Kolombîyayê ji 18 selefê beşdaran gotin ku bawerîya wan bi serokê Rûsîyayê heye, ev jî di 10 salên dawî de encama herî xirab e. Li Mêksîkayê, rêjeya pejirandina Pûtîn di salekê de ji selefekê daket û bû 24 selef, ku ji sala 2018 a vir ve encama herî xirab e.
Tenê li du ji 20 welatên li başûrê global zêdetir nîvê hemwelatîyan gotin ku wan di kar û barên global de bi Pûtîn bawer dikin, li Malayzîyayê (61 selef) û li Fîlîpîna (59 selef). Serokê Rûsîyayê jî li Bangladêşê (50 selef) û li Kênyayê (47 selef) encamên nisbeten bilind tomar kir.
Bi giştî li 35 welatên ku anket lê hatîye kirin 65 selefê xelkê li ser Rûsîyayê nêrîneke neyînî û 28 selef jî erênî ne. Wekî din, helwesta li hember Pûtîn ji tevahîya welêt hinekî xirabtir e. 73 selef bawer nakin ku ew dikare di kar û barên navneteweyî de rast tevbigerin, û 21 selef ji wî bawer dikin.
