Di navbera Ermenîstanê û Dewletên Amêrîkayêye Yekbûyîda dokûmênta derheqa hevkarîya stratêjîda hate îmzekirinê

Li Waşîngtonê îmzekirina dokûmênta derheqa hevkarîya stratêjîda, ya di navbera Komara Ermenîstanê û Dewletên Amêrîkayêye Yekbûyîda pêk hatîye.Ew dokûmênt ji alîyê wezîrê Ermenîstanêyî karên der Ararat Mîrzoyan û sêkrêtarê Dewletên Amêrîkayêye Yekbûyî Êntonî Blînkênda hate îmzekirinê.  

Heythola îmzekirina dokûmêntê li Waşîngtonê pêk hatîye.

Sêkrêtarê Dewletên Amêrîkayêye Yekbûyî Êntonî Blînkên daye dîyarkirinê, wekî îmzekirina dokûmêntê nava pêwandîyên Ermenîstanê û Dewletên Amêrîkayêye Yekbûyîda gaveke girînge.

“Em komîsîya hevkarîya stratêcî, ya Dewletên Amêrîkayêye Yekbûyî û Ermenîstanê saz dikin.Ew mecalê dide me ku em hevkarîyê nava govekên cudada, nava pirsên êkonomîkî, ewlehîyê û parastinêda, dêmokrasîyê û pirsên edaletêda bidine berfirehkirinê…”,-Blîkên gotîye.

Bi fikira sêkrêtarê Dewletên Amêrîkayêye Yekbûyî, ev qanûndarî wê alî Kafkasîya Başûre edil û çareserkirî bike.

“Wezîrê Ermenîstanêyî karên der Ararat Mîrzoyan jî sirîya xweda derheqa wê yekêda xeberdaye û daye dîyarkirinê,wekî nava gelek govekada hevkarîya wê bê berfirehkirinê.

Mîrzoyan derheqa pêwandîyên pêşkeftîda nava salên dawîda xeberdaye û gotîye: “Ew gihîştine dereceke usa,  nava kîjanada îzbatkirina hevkarîya stratêcî ne tenê gorî bûyarên nihaye, lê ew usa jî nava hemtêksta qewilên gêopolîtîkîye girandane”,- ewî gotîye. Wezîrê Ermenîstanêyî karên der bona hevkarîya herdu welata û bona hewildanên nû, razalixî elamî Êntonî Blîkên kirîye.