Parlamênta Herêma K’urdistanê e’lametî bela kirîye, k’îjanêda xemgînîya xwe girêdayî wê yekêr’a e’lam kirîye,wekî eskerê t’irka êrîş birine li ser bakûr-r’ohilatê Sûrîyaê û pêr’a jî bang kirîye, ku opêrasîonê bidine sekinandinê. “Em bangî civaka navnet’ewî dikin, nava wanda usa jî ŞAY, R’ûsîyaê, Brîtanîya Mezin û Fransîyaê, ku h’emû ce’dandina bidine xebatê, bona sekinandina vî h’alê pêşdahatî, bona ku atmosifêra bo hevr’axeberdana sazbe”,- nava e’lametîyêda hatîye gotinê. “Em her êrîşeke dijî binelîyên sîvîl şermezar dikin. Parlamênta K’urdistanê piştgirîya dîyaloga herêmî dike, ku bighîjine h’elkirinê”,-nava e’lametîyêda hatîye dîyarkirinê.Usa jî hatîye bîranînê,wekî nava şer’ê dijî DAÎŞ-da k’urda zyana here mezin dîtîye û h’emû destanînên nava wê yekêda dikarin undabin.Usa jî hatîye dîyarkirinê, ku h’emû partîyaên k’urda hevr’aqayîlnebûnên xwe daynine alîkî ku hevr’a bixebitin.
