Adirbêcan bi cûrê neqanûnî gelek ermenîya li cem xwe çawa dîl xweyî dike: endamê dêlêgasîya Ermenîstanê, yê nava civîna Avropayêye parlamêntîyêda
Endamê dêlêgasîya Ermenîstanê, ya nava parlamênta Avropayêda Armên Grîgoryan nava doranên civîna parlamênta Avropayêda bi axaftin pêşda hatîye.
“Hevalên hêja,
Rapor ji alîyê endamekî partîya desthilatdar ya welatekî ku nû paqijîya etnîkî ya tam li ser ermenîyên li Qerebaxê kirîye, hatîye raberkirin. Pir ecêbe ku nûnerê Adirbêcanê raportek li ser mafên mirovan û rêveberîya dêmokratîk raber dike.
Îdêolojîyên tundrew yên rastgir bi giranî ji hestên neteweperest, bîyanî, avtorîtar pêk tên. Ev hemû bi dehan salin li Adirbêcanê hene. Paqijîya êtnîkî ya vê dawîyê ya li Qerebaxê ne tenê xema ermenîyane. Çêkirina pêşmergên wiha dê ji bo gelek dîktatorên din yên xwedî rezervên mezin yên gaza xwezayî û neftê bibe teşwîqek ji bo êrîşkarîya leşkerî, û dê beşdarî nêzîkatîyên îdêolojîya tundrew ya rastgir bibe.
Îro Adirbêcan bi awayekî neqanûnî û bêexlaqî hejmareke zêde ji ermenîyan dîl girtine. Di nav wan de kesên ku di van 25 salên borî de di hilbijartinên dêmokratîk de hatin hilbijartin û weke nûnerên qanûnî yên gelê xwe, ji bo azadî û xwerêvebirinê rêbertîya wan kir. Li hember vê yekê, Adirbêcan tam 30 salin ji alîyê heman malbatê ve tê birêvebirin. Gelo ev şêweyek îdêolojîya tundrew ya rastgire yan celebek nû ya dêmokrasîya ku di bin sîwana konseya Avropayê de tê mezin kirin?
Hevalno, serokatîya vê miclîsê raporek ku min di nîsana 2022 a bi sernavê “Mîlîtarîzekirina ol û encamên wê ji bo ewlehîya dêmokratîk ya Avropî” amade kir, wergirt. Rapor ji bo ku di miclîsê de delîl û nêrîneke giştî li ser hin dîyardeyên pêkanînên dewletê yên ku ji alîyê hukumetên Adirbêcan û Tirkîyayê ve hatine avakirin, bi mebesta binpêkirina mafên mirovan yên ermenîyan ji ber hincetên nijadî û olî û her wiha li dijî binpêkirina mafên mirovan hatîye amadekirin. Vê yekê bi biryar nîşan da ku hukumetên wan welatan ji bo binpêkirina qanûn û nirxên lîberal yên avropî komplo kirine û bi “qalên” demkî cesaret kirine ku nakokî li hundurê Avropayê û li dijî Avropayê çêbikin. Li gorî min armanca sereke ew bû û berdewam dike ku di têkiliyên bi dewletên avropî re li Avropayê formên nû yên hevgirtinê çêbibin. Ev hewldanên bi awayekî aktîv bikaranîna strûktûrên dîasporaya tirkan ya li Avropayê, ji bilî hewldanên çekdarkirina bi olê di civakên pirçandî yên Avropayê de ne, ku dikare ewlekariya Avropayê bixe xeterê.
Kurteya axaftina xwe de divê ez bêjim ku ji bo rê li ber belavbûna radîkalîzma tundrê ya rastgir bê girtin, divê konseya Avropayê erka xwe ya pir girîng ya xwepaqijkirin û rawestandina endamtîya dewletên avtorîtar pêk bîne”,-parlamêntvan got.
