Partîya sêserî ya şêr têk çûye:Nîkol Paşînya
Serokwezîrê Ermenistanê Nîkol Paşînyan serkeftina gelê Komara Ermenistanê di hilbijartinên parlamêntîyê yên ku 7 ê hezîrana sala 2026 a hatine lidarxistin, pîroz kirîye.
Li gorî ragîhandina “Armenpress” ê, derheqa wê yekêda Paşînyan di axaftina xwe de di dema nîqaşkirina raporta salane ya li ser pêkanîna byûcêya dewletê ya sala 2025 a de di rûniştinên komîtêyên daîmî yên parlamêntê de axivîye.
“Berî her tiştî, ez dixwazim gelê Komara Ermenîstanê ji bo serkeftina di hilbijartinên 7 ê hezîrana sala 2026 a pîroz bikim. Gelê Ermenîstanê bi dengê xwe ji bo dewletê rabû, ji bo serxwebûnê rabû, ji bo pêşerojê rabû, ji bo aşîtîyê rabû, ji bo Komara Ermenîstanê rabû. Û divê ez tomar bikim ku partîya sê serî ya şêr têk çûye. Ev encameke girîng e, lê ne encamek dawî ye, ji ber ku ez bawer dikim ku gel bi zelalî îradeya xwe dîyar kirîye ku divê partîya sê serî ya şer û pergala sûc-olîgarxîk ya pê re ji Komara Ermenîstanê bê rakirin û bê guman, ev yek wê yek ji rojevên herî girîng yên piranîya sîyasî û hukumetê be, ku divê em bêyî derengmayîn û bi gavên pir biryardar bicîh bînin. “Ez jî dixwazim partîya “Peymana sîvîl” ji bo serkeftina wê pîroz bikim. Paşînyan gotîye: “Partîya “Peymana sîvîl” wê piranîya parlamêntêdê hebe, wê hukumetekê ava bike û di mehên pêş de wê derfeta me hebe ku em li ser vê mijarê niqaş bikin”.
Li gorî encamên destpêkê yên hilbijartinên Ermenîstanêye parlamêntîyê, 4 hêzên sîyasî dikevin parlamêntê: partîya “Peymana sîvîl” bi 727 160 hezar yan jî bi 49,81 selefê dengan, bloka “Ermenîstana bi hêz” bi 340 62 hezar yan jî bi 23,29 selefê dengan, bloka “Ermenîstan” bi 145 97 hezar yan jî bi 9,94 selefê dengan û partîya “Ermenîstana refah” bi 58 368 hezar yan jî bi 4 selefê dengan.
