Parlamêntvanê ji Partîya Dêmokratîk Ya Gela Êrol Katircoglû gotîye, wekî byûcêya sala tê jî wê bi piranî ser opêrasîyonên leşkerî bê xerckirinê. Sala 2O21-ê çarîka byûcêya Tirkîyayê li ser şêr hate xebitandinê. Êrol Katircoglû elam kirîye, wekî byûcêya sala 2O22-a jî wê wî cûreyî be û daye dîyarkirinê, wekî HDP li ser wê tabîyêye ku byûcêya dewletê bona berjewandîyên cimetê qulix bike.
Katircoglû dikeve nava komîsîya byûcêya parlamêntê. Ewî daye dîyarkirinê, wekî hejmarên bona sala 2O22-a hê nehatine başqekirinê, lê bahê perên tirka jî bere-bere dikeve. Bi gotina wî, nêzîkbûna hukumatêye êkonomîkî nehatîye guhartinê. Xeberdan usa jî derheqa rokêtên C-4OO, kirîna teyarên F- 16-da diçe. Bi gotina parlamêntvan , Tirkîya nagihîje gulvedanê, çimkî ew nikare rêsûrsên xwe rast bide xebatê.
