Şanda wezîreta Ermenîstanêye parastinê bi serokê rêveberîya hevkarîya parastinê û ewlehîyê ya li baregeha NATO ê li ser hevkarîyê axivîye
Şanda bi serokatîya cîgirê serokê fermandarîya Ermenîstanêye giştî ya hêzên çekdar gênêral-mayor Artûr Yêroyan, 10-11 ê hezîranê beşdarî civîna şêwira akadêmîk ya rêveber ya kolêja ewlehî û parastinê ya Avropayê li baregeha komîsîyona Avropayê li Bryûslê bûye.
Wek ku “Armenpress” ji daxuyanîya wezîreta Komara Ermenîstanêye parastinê fêr dibe, dema çalakîyê de,genêral-mayor Artûr Yêroyan rêformên ku di çarçoveya veguhêrîna artêşa Ermenîstanê de di warên perwerde û rahênana leşkerî de têne kirin raber kirîye.
Her wiha serokê akadêmîya wezîreta parastinêye ser navê Vazgên Sargsyany gênêral-mayor Arsên Mangasaryan û koordînatorê hevkarîya wezîreta parastinê di qada perwerdehîya leşkerî bi NATO ê û Yekîtîya Avropayê re, Tîgran Harûtyûnyan axivîne.
Nûnerên konsêya akadêmîk ya rêveber ya kolêja ewlehî û parastinê ya avropî rêformên ku di sazîyên perwerdehîya leşkerî yên Komara Ermenîstanê de têne pêkanîn pir baş nirxandine û girîngîya berfirehkirina hevkarîyê, bi taybetî di çarçoveya bernameya leşkerîye “Êrasmûs” ê ya Yekîtîya Avropayê, destnîşan kirine.Pêşnîyara zanîngeha lêkolînên parastina neteweyî ya wezîreta parastinê û akadêmîya leşkerî ya ser nave Vazgên Sargsyan ji bo tevlîbûna wek hevkarê têkildar ya kolêjê hatîye pejirandin, ku ji bo pejirandinê ji komîtêya rêveberîya kolejê re hatîye şandin.
Di çarçoveya serdana xwe ya li Bryûsêlê, şanda wezîreta Komara Ermenîstanêye parastinê li baregeha NATO ê bi serokê rêveberîya hevkarîya parastinê û ewlehîyê Pîrs Kazalêt re civîyaye da ku mijarên têkildarî bernameyên heyî û pêrspêktîvên hevkarîyê di sêktora parastinê de niqaş bikin.
