Li herêmê teleferîka berepaş ya herî dirêj “TaTêvêr” ji bo demsala geştîyarîyê ya nû amade ye. Mêvanên teleferîkê dikarin bi firîneke panoramîk berbi komplêksa keşîşxaneya Tatev, ji gerên cîp sûd werbigirin, herin serdana Zîthan ya serdema navîn û pêşangeha “Rastîyên veşartî yên derbarê Tatêv” ê.
Berîya sefera teleferîkê, pêşangeha “Rastîyên veşartî yên li ser Tatêv” ê li nêzîkî stansîya Halîzorê ji bo zîyaretvanan vekirî ye. Mêvan wê bikaribin dîroka Tatêvê ya bi sedsalan, rola wê ya di pêşveçûna Syûnîkê de, her weha rastî, jimar û bûyerên herêmê yên balkêş ji hev nas bikin.
Li ser rîya keşîşxaneya Tatêvê, kabîneya teleferîkê dîmenên gola Vorotanê, “Pira şeytan” û çola mezin ya Tatêvê vedibin.
Mêvan bi gihîştina navenda gîyanî ya herêmê, keşîşxaneya Tatevê, dikarin serdana hûcreyên rahîb û mûzêya kavîn ya Zîthan jî bikin.
Zêdetir 13 salên xebatê de, mîlyonek kesî rêya bejahî ya “TaTêvêr” bikar anîne. Teleferîk quncikên Ermenîstanê yên berê nedihatin ber rêwîyan vedike û naskirina welêt zêde dike. Teleferîka “TaTêvêr” di pirtûka rêkoran ya Guinnessê de wekî dirêjtirîn teleferîka berepaş ya cîhanê (5752 metre) hatîye tomarkirin. Serkeftinek din ya kabloyê jî li wir hate tomar kirin: dema avakirina herî kurt (10 meh) ji bo avahîyek endezyarîyek wusa mezin. Teleferîka du caran ji hêla xelatên rêwîtîyê yên cîhanê yên bi prêstîj ve wekî ya herî baş ya cîhanê hate pejirandin. Xelata yekem di sala 2021 ê de ji “TaTêvêr”ê re, di sala 2023an de ya duyem.
