Koalîsîyona navnetewîye dijî DAÎŞ-ê îzbat kirîye wekî hêzên Ştatên Amêrîkayêye Yekbûyîye li Sûrîyayê, bi rokêta hatine êrîşkirinê.Wekîlê koalîsîyonê Wêyn Marotto elam kirîye wekî leşkerên Ştatên Yekbûyîye li Sûrîyayê bersiva wê êrîşê dane û wî cûreyî xwe parastine. Ewî gotîye, wekî ŞAY bi artîlêrîyayê bersiva wê êrîşê daye.
Pêşda hatibû ragîhandinê, wekî li provînsîya Sûrîyayêye Dêyr Zorê, li nêzîkî bîra neftêye “Omar”-ê, leşkerên amêrîkî hatine êrîşkirinê. Derheqa zyanêda înformasîyon tunebûne. Teşkîleta Sûrîyayêye mafparêz daye dîyarkirinê, wekî komên rezedilvanên piştgirên Îranê piş wê êrîşê sekinîne, yên ku pêşda ji alîyê teyarên ŞAY-da hatibûn êrîşkirinê.
